Հայաստանի Հանրապետության կառավարության կողմից ջերմոցային գազերի ցածր արտանետումներով զարգացման երկարաժամկետ (մինչև 2050 թվական) ռազմավարության ընդունումը ևս մեկ անգամ վերահաստատում է մինչև 2050 թվականը ջերմոցային գազերի արտանետումները մեկ շնչի հաշվով մինչև 2.07 տ CO2 համարժեք նվազեցնելու հավակնությունը:

Այս ռազմավարությամբ կառավարությունը նպատակ ունի երկարաժամկետ օրակարգ ապահովել կլիմայական հանձնառությունների համար, հաղորդել վաղ և կանխատեսելի ազդակներ տեղական և օտարերկրյա ներդրողների համար, համադրել զարգացման նպատակները կլիմայական գործողությունների հետ, ինչպես նաև համակարգված դիտարկել մեղմման հնարավորությունները ողջ տնտեսության կտրվածքով՝ ձգտելով առկա մարտահրավերները փոխակերպել իրական հնարավորությունների:

Ռազմավարությունը մշակվել է Շրջակա միջավայրի նախարարության կողմից՝ «ԵՄ-ն կլիմայի համար» ԵՄ-ՄԱԶԾ տարածաշրջանային ծրագրի աջակցությամբ: