Հայ
«Փարիզի համաձայնագրի ներքո Հայաստանի թափանցիկության ազգային շրջանակի կառուցումը» (CBIT) ՄԱԶԾ-ԳԷՀ ծրագրի շրջանակում շարունակվում է ջերմոցային գազերի գույքագրման միջազգային փորձի ներկայացման և քննարկման աշխատաժողովների շարքը:
Սեպտեմբերի 29-ին «Հիդրոօդերևութաբանության և մոնիթորինգի կենտրոն» ՊՈԱԿ-ի հետ համագործակցությամբ կայացավ «Ջերմոցային գազերի գույքագրումն էստոնիայում. հիմնական խնդիրները, ներկա կարգավիճակը և հեռանկարները» խորագրով աշխատաժողովը: Միջոցառման ընթացքում Էստոնիայի Բնապահպանական գործակալության և Բնապահպանական հետազոտությունների կենտրոնի փորձագետները ներկայացրեցին ջերմոցային գազերի գույքագրման փորձառությունն Էսոտնիայում, առկա դժվարություններն ու խնդիրները, ինչպես նաև դրանց լուծմանն ուղղված միջոցառումները:
Միջոցառման մասնակիցներին ողջունելով՝ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի տեղակալ Գայանե Շահնազարյանը ընդգծեց ջերմոցային գազերի գույքագրման միջազգային փորձի ուսումնասիրության անհրաժեշտությունը և մեծապես կարևորեց պետական հաստատություններում մասնագետների կարողությունների զարգացմանը և անհրաժեշտ գործիքակազմով ու գիտելիքներով հագեցնելուն ուղղված CBIT ծրագրի աջակցությունը:
Միջոցառմանը մասնակցեց Շրջակա միջավայրի, «Հիդրոօդերևութաբանության և մոնիթորինգի կենտրոն» ՊՈԱԿ-ի և ՄԱԶԾ ավելի քան 20 ներկայացուցիչ:
Միջոցառման ընթացքում ներկայացված նյութերը՝ այստեղ:
