Կլիմայի փոփոխության տեղեկատվական կենտրոն

Ծրագրերի առաջնային նպատակն է կլիմայի փոփոխությանն առնչվող տեղեկատվության հավաքագրումը, համակարգումը և փոխանակումը, ինչպես նաև այդ տեղեկատվության հասանելիության ապահովումը տեղական և միջազգային գործընկերների համար՝ ապահովելով Հայաստանում կլիմայի փոփոխությանն առնչվող գործունեության թափանցիկությունը և մատչելիությունը: Հանրային հասանելիությունը կլիմայի փոփոխությանն առնչվող տեղեկատվությանը կարևորվում է Կոնվենցիայի 6-րդ Հոդվածով: Այսպիսով սույն երկլեզու ինտերնետային կայքը, տեղեկատվական թերթիկները և հրատարակված նյութերը նպաստում են Կոնվենցիայի նպատակների իրականացմանը:

ՄԱԶԾ Կլիմայի փոփոխության ծրագրերը ձևավորվել են 1997թ. ՄԱԶԾ/ԳԷՖ «Հայաստան. Կլիմայի փոփոխության ուսումնասիրությունը երկրում» ծրագրի շրջանակներում: Ի թիվս այլ նպատակների, Ծրագրերը կարևորում են կլիմայի փոփոխության հետ կապված տեղեկատվության փոխանակումը՝ ապահովելով թափանցիկություն և հաշվետվայնություն, որը ՀՀ Կառավարության պարտավորությունն է որպես Կլիմայի փոփոխության շրջանակային կոնվենցիայի կողմ երկրի:

ՄԱԶԾ Կլիմայի փոփոխության ծրագրերի գործունեությունը ներառում է ՄԱԿ ԿՓՇԿ ներքո ՀՀ պարտավորությունների իրականացմանն ուղղված հետևյալ ոլորտները՝

Քայլեր՝ ուղղված կլիմայի փոփոխության հարցերը սոցիալական, տնտեսական և բնապահպանական քաղաքականության մեջ ներառելուն,
Գործողություններ՝ ուղղված տեխնոլոգիաների փոխանցման խթանմանը,
Կլիմայի փոփոխության ուսումնասիրություններ և սիստեմատիկ դիտարկումներ,
Կրթությանն, ուսուցմանն և հանրային իրազեկման առնչվող հարցեր,
Կարողությունների հզորացման մասին տեղեկատվություն ազգային և տարածաշրջանային մակարդակներով
Ծրագրեր և միջոցառումներ՝ ուղղված նվազագույնին հասցնելու կլիմայի փոփոխության բացասական ազդեցությունը տնտեսության, առողջության և շրջակա միջավայրի վրա:

“Հայհիդրոէներգանախագիծ” ՓԲԸ

Մոսկովյան փող. # 33 ա, Երևան 0002, ՀՀ (Phone) + 374 10 530 227 (e-mail) hgarmens@netsys.am

Հայաստանի վերականգնվող էներգետիկայի և էներգախնայողության հիմնադրամ

Պռոշյան նրբ. #1, Երևան 0019, ՀՀ (Phone) + 374 10 545 121, 545 222 (e-mail) director@r2e2.am http://www.r2e2.am/

Հայաստանի պետական ագրարային համալսարան

Տերյան փող. # 74, Երևան 0009, ՀՀ (Phone) + 374 10 522 361 (Fax) (e-mail) info@armagrar-uni.am www.armagrar-uni.am