15 հոկտեմբերի 2021

Հոկտեմբերի 14-ին «Մասնավոր հատվածի դերը Հայաստանի Ազգային մակարդակով սահմանված գործողությունների (ԱՍԳ) գործընկերության պլանի իրականացման գործում» թեմայով սեմինարների շարքի արդյունքները ներկայացվեցին ՀՀ Կառավարության, շրջակա միջավայրի նախարարության և գործընկեր դոնոր կազմակերպությունների ներկայացուցիչներին։  

Միջոցառումը կազմակերպվել էր  Կլիմայի փոփոխության մասին շրջանակային կոնվենցիայի  26-րդ համաժողովին (COP26) ընդառաջ և նպատակ ուներ խթանել պետական ինստիտուտների, միջազգային դոնոր համայնքի և մասնավոր հատվածի միջև երկխոսությունը Հայաստանի կլիմայական հավակնոտ օրակարգի իրագործման շուրջ։

Նախորդող երեք սեմինարներում ներգրավված վերականգնվող էներգետիկայի և էներգաարդյունավետության ոլորտում գործունեություն իրականացնող ընկերությունների, խորհրդատվական կազմակերպությունների և գործարար ասոցիացիաների, բանկերի և ոչ բանկային ֆինանսական հաստատությունների, ներդրումային հիմնադրամների ու բիզնես ցանցերի ներկայացուցիչների առաջարկությունները խթան հանդիսացան դոնոր կազմակերպությունների կողմից ծրագրային և կլիմայական ֆինասավորման հնարավորությունների  դիտարկման տեսանկյունից։

ՀՀ շրջակա միջավայրի նախարարի տեղակալ Աննա Մազմանյանը բացման խոսքում նշեց․ «Ուրախ ենք տեսնել ՄԱԶԾ հայաստանյան գրասենյակի ղեկավարությամբ մասնավոր հատվածի ներկայացուցիչների ակտիվ մասնակցությունն ուղղված Հայաստանի կլիմայական օրակարգի շուրջ քաղաքականության երկխոսության ամրապնդմանը։ Շրջակա միջավայրի նախարարությունը, հանդես գալով ոլորտը համակարգող գերատեսչություն, աջակցում է միջազգային գործընկերների կողմից տրամադրվող ֆինանսական և տեխնիկական ռեսուրսների առավել արդյունավետ և նպատակային օգտագործմանը՝ համաձայն ՀՀ Կառավարության կողմից սահմանված առաջնահերթությունների և վերջինիս կողմից հաստատված 2021-2030 թթ․ ԱՍԳ-ի։

«Նախորդ երեք միջոցառումների ընթացքում հնչեցված առաջարկությունները հանրային-մասնավոր համագործակցության համար նշանակալից նախադրյալներ ձևավորելուն զուգընթաց վկայում են մասնավոր ընկերությունների կողմից ՀՀ կլիմայական գործընթացներում ներգրավման որակական աճի վերաբերյալ, ինչպես նաև՝ նոր լիցք են հաղորդում հաջորդիվ իրականացվող քննարկումներին, որոնք թիրախավորելու են գյուղատնտեսության և ջրօգտագործման ոլորտները», - ընդգծեց ՄԱԿ-ի Զարգացման ծրագրի Կլիմայի փոփոխության ծրագրերի համակարգող Դիանա Հարությունյանը։

Վերակառուցման և զարգացման եվրոպական բանկի հայաստանյան գրասենյակի ներկայացուցիչ Աննա Խաչատրյանը ներկայացրեց ՎԶԵԲ-ի կանաչ պորտֆելը Հայաստանում և թե ինչպես է այն աջակցում տեղական ՓՄՁ-ների երկարաժամկետ ներդրումներին ուղղված ԵՄ պահանջներին համապատասխան տեխնոլոգիաների և սարքավորումների արդիականացմանը, որն անհրաժեշտություն է էներգաարդյունավետության, արտադրանքի որակի, առողջության, անվտանգության և շրջակա միջավայրի պահպանության ապահովման տեսանկյունից։

ՄԱԿ-ի տեղական գործակալությունների ներկայացուցիչներ Գայանե Նասոյանը (ՊԳԿ երկրի ներկայացուցչի օգնական), Անահիտ Սիմոնյանը (ՄԱԱԶԿ երկրի ներկայացուցիչ) և Նաննա Սկաուն (ՊՀԾ Ներկայացուցչի տեղակալ) ներկայացրին գործակալությունների կողմից իրականացվող կլիմայական նախաձեռնությունները և հնարավոր ֆինանսավորման ուղղությունները՝ ընդգծելով  ներկայիս   հաջողված համագործակցությունը մասնավոր հատվածի հետ։

Միջոցառումը արդյունավետ հարթակ էր հանրային, մասնավոր հատվածների և միջազգային դոնոր կազմակերպությունների միջև նոր համագործակցության եզրեր ստեղծելու համար՝  ի նպաստ Հայաստանի կլիմայական նպատակների իրականացմանը։

 

 

Նոյեմբեր 2021 Քննարկվել են ՀՀ-ում կլիմայի փոփոխության համատեքստում առկա գենդերային հիմնախնդիրներն ու դրանց հնարավոր լուծումները Կարդալ ավելին
Նոյեմբեր 2021 «ԵՄ-ն կլիմայի համար» ծրագիրն աջակցում է Փարիզյան համաձայնագրի ներքո Հայաստանի կլիմայական խոստման իրականացմանը Կարդալ ավելին
Նոյեմբեր 2021 ՄԱԶԾ-ԿԿՀ ՀԱԾ ծրագրի շրջանակում շարունակվում են լրագրող ուսանողների համար նախատեսված կլիմայի փոփոխության և հարմարվողականության թեմաներով վերապատրաստումները Կարդալ ավելին
Նոյեմբեր 2021 Իրազեկման արշավ կլիմայի փոփոխության և հարմարվողականության վերաբերյալ ՄԱԶԾ-ԿԿՀ ՀԱԾ ծրագրի շրջանակում Կարդալ ավելին
Նոյեմբեր 2021 «Կլիմայի փոփոխության հարմարվողականությունը գյուղատնտեսության և ջրային ռեսուրսների կառավարման ոլորտներում». եռօրյա երկու դասընթաց ՄԱԶԾ-ԿԿՀ ՀԱԾ ծրագրի շրջանակում Կարդալ ավելին
Դեկտեմբեր 2011 ԵԱՀ մեկնարկային սեմինար և ղեկավար կոմիտեի նիստ (20 12 2011) Կարդալ ավելին
Մայիս 2016 Հայաստանի երկամյա առաջընթացի առաջին զեկույցը ներկայացվել է ՄԱԿ ԿՓՇԿ քարտուղարությանը Կարդալ ավելին
Սեպտեմբեր 2016 Ներդրումների ռիսկերի նվազեցում և մասշտաբավորում. շենքերի ԷԱ արդիականացում Կարդալ ավելին
Փետրվար 2016 «Էներգախնայող լուսավորությունը տանը և դպրոցում» դասախոսություն և մրցույթ Կարդալ ավելին
Դեկտեմբեր 2015 Ընդունվել է Փարիզի համաձայնագիրը Կարդալ ավելին
Շենքերի էներգաարդյունավետ արդիականացմանն ուղղված ներդրումների ռիսկերի նվազեցում (24)
ԵԱՏՄ երկրներում ԷԱ խթանման կարգավորման դաշտը (27)
Կլիմայի փոփոխության ռիսկերի մեղմում (6)
Չորրորդ ազգային հաղորդագրություն և Երկրորդ երկամյա զեկույց (39)
Շենքերի էներգետիկ արդյունավետության բարձրացում (112)
Անտառների Հարմարվողականություն (59)
Տեխնոլոգիական կարիքների գնահատում (1)
Մեղմման քաղաքականության աջակցություն (2)
Քաղաքային ջեռուցման էներգաարդյունավետություն (55)
Պասիվ արևային ջերմատուն (3)
Քաղաքային ‘կանաչ’ լուսավորություն (46)
Երկամյա առաջընթացի զեկույց (11)
Երրորդ ազգային հաղորդագրություն (52)
Հարմարվողականության ազգային ծրագիր Հայաստանում (43)
ԵՄ-ն կլիմայի համար (34)
Մինչեւ 2012 թ. ավարտված ծրագրեր (0)
Կլիմա-խելացի լուծումներ համայնքների համար (1)
ՄԱԿ ԿՓՇԿ ներքո Հայաստանի երկամյա առաջընթացի երրորդ զեկույց (0)
Վերականգնվող և մաքուր էներգիայի 7-րդ միջազգային համաժողով (0)
Փարիզի համաձայնագրի ներքո Հայաստանի թափանցիկության ազգային շրջանակի կառուցումը (1)