Երևանի Արաբկիրի հայորդյաց տան հանդիսությունների դահլիճում ինֆրակարմիր ջեռուցման համակարգի ներդրման ծրագիր

Ինֆրակարմիր ջեռուցման համա­կար­գի ներդրման շնորհիվ էլ.էներ­գիայի սպառումը ջեռուցման նպատակներով կնվազի շուրջ 40%-ով: Էլ.էներգիայի ընդ­հանուր տարե­կան տնտե­­­­սումը կկազմի մոտ 5860 կՎտժ, որն իր հեր­թին կբերի ջերմոցային գազերի ար­տա­նե­տումների կրճատ­մանը տարեկան մոտ 3.57 CO_{2 համ.} տ-ով: Համակարգի ներդրման աշխատանքները ավարտել է 2011թ. դեկտեմբերի 10-ին: 

Արաբկիրի Հայորդաց տան նախագիծ

«Այբ կրթական հայգույց» հիմնադրամի «Այբ» ավագ դպրոցի ջերմացրտամատակարարման համակարգի էներգաարդյունավետության բարձրացում

«Այբ կրթական հայգույց» հիմնադրամի «Այբ» ավագ դպրոցի նախագծի տնօրինությունը դիմել էր ՄԱԶԾ/ԳԷՖ ծրագրի կառավարչին` ավագ դպրոցի ջերմա­ցրտամատակարարման նախագծի փորձա­քննական գնահատական մշա­կելու խնդրանքով: Ծրագրի մասնագետներն, ուսումնասիրելով նախագծային լուծումները, առաջարկեցին վերանայել ցրտամատակարարման սկզբունքը և կիրառել ջերմային պոմպեր, որոնք կարող են ապահովել նաև ջեռուցման և ներածող օդափոխության բազային բեռնվածքների ծածկումը: Ջերմապոմպային տարբերակով ջեր­մա­ցրտամատակարարման շնորհիվ բնական գազի տարեկան տնտեսումը հասնում է շուրջ 37,5 հազ.նմ³-ի, որը վառելիքի ներկայիս սակագների պայմաններում հավասարազոր է 3,45 մլն.դրամի: Առաջնային էներգիայի տնտեսման արդյունքում ջերմոցային գազերի արտանետումների տարեկան կրճատումը կազմում է 70,5 տ CO₂/տարի:

«Այբ կրթական հայգույցի» նախագիծ

«Գորիսի բժշկական կենտրոն» ՓԲԸ-ում արևային ջրատաքացուցիչներով տաք ջրամատակարարման համակարգի ներդրում

«Գորիսի բժշկական կենտրոն» ՓԲԸ-ն քաղաքի գլխավոր հիվանդանոցն է և բժշկական ծառայություններ է մատուցում Սյունիքի մարզի ամբողջ բնակչությանը: Հիվանդանոցը կահավորված է 115 մահճակալներով և տարեկան սպասարկում է մոտ 4000 հիվանդի: Հաստատության ջեռուցումն և տաք ջրամատակարարումն իրականացվում է Համաշխարհային բանկի միջոցներով կառուցված ջերմամատակարարման համակարգի միջոցով: Տաք ջրի ստացման համար օգտագործվող գազի ծախսի կրճատման նպատակով Կենտրոնը դիմել է Ծրագրին և, ելնելով փորձագիտական ուսում­նա­սի­րության արդյունք­ներից, որո­շում կայացվեց Կեն­տրոնում ներդնել բնա­պահ­պանական տեսան­կյու­­նից ան­վտանգ և էներգախնայող արևային ջրա­տաքա­ցուցիչներով տաք ջրա­մա­տա­կարարման համակարգ: Նախագծի իրակա­նաց­ման ար­­դյուն­­քում ակն­­­կալվում է տաք ջրամատակարարման կարիքների համար գազի ծախ­­սի և, հետևաբար, ջերմոցային գազերի արտա­նետումների կրճատում: Կապալառու ընկերությունը ընտրվել է 2011թ. հոկտեմբերին, իսկ աշխատանքները սկսվել են 2011թ. նոյեմբերին:

Գորիսի նախահիծ