Քաղաքային ջեռուցման էներգաարդյունավետություն - Նախագծային փաստաթուղթ

Ծրագրի նպատակն է նվազեցնել Հայաստանի քաղաքներում ջեռուցման և տաք ջրամատակարարման գործունեության հետևանքով առաջացող ջերմոցային գազերի արտանետումները, այդ քաղաքներում ջեռուցման և տաք ջրամատակարարման ծառայությունների կայուն զարգացման հիմքերն ապահովելու միջոցով, միևնույն ժամանակ հաշվի առնելով գլոբալ բնապահպանական ազդեցությունները:

Այդ շրջանակներում ծրագիրը նպատակ ունի`

(i) ամրապնդել համատիրությունների դերը առանձին բնակելի շենքերում կոլեկտիվ կերպով ջերմամատակարարման և տաք ջրամատակարարման ծառայությունների կազմակերպման և կառավարման հարցում,

(ii) աջակցել գործող ընկերություններին` իրենց ծառայությունների որակը և գործունեության արդյունավետությունը բարելավելու նպատակով իրականացվող վերակազմավորման և հզորությունների ստեղծման աշխատանքներում,

(iii) աջակցել նոր ոչ-կենտրոնացված ծառայություններ մատուցողներին իրենց գործունեության առևտրայնացման, մարկետինգի և բազմազանեցման հարցում` բնապահպանական առումով մաքուր և էներգաարդյունավետ այլընտրանքային տեխնոլոգիաների օգտագործմանը նպաստելու և կենտրոնական ջերմամատակարարման առումով ոչ նպատակահարմար վայրերի համար պահանջվող ներդրումների հոսքը կազմակերպելու համար, և

(iv) օգտագործել ստացված արդյունքները, փորձը և քաղված դասերը Հայաստանում ջեռուցման և տաք ջրամատակարարման ծառայությունների հեռանկարային զարգացմանը նպաստելու համար, շեշտադրելով ջերմոցային գազերի արտանետումների նվազեցման կարևորությունը, ինչպես նաև մշակել նորմեր և իրականացման մեխանիզմներ` անտառային ռեսուրսների կայուն օգտագործմանը և կլիմայի փոփոխության կոնվենցիայի նպատակների իրագործմանը նպաստելու համար:

Միջնաժամկետ գնահատման հաշվետվությունը
զետեղված է կայքի անգլերեն էջում: