Իրադարձություններ

Ուսուցումը, գիտելիքների փոխանցումը և պատշաճ իրազեկումը որոշումներ ընդունող անձանց, գիտական համայնքի, մասնագիտացված գործակալությունների, ուսանողների և հանրության շրջանում դիտարկվում է  իբրև ընթացիկ ծրագրի համար կարողությունների ստեղծման կարևոր միջոց և իրականացվում է տարբեր աշխատանքային հանդիպումների, ուսումնական դասընթացների և սեմինարների կազմակերպման միջոցով: Նշված գորրծունեությունը առանձնակի կարևոր է հետևյալ խնդիրների իրագործման համատեքստում.

• կոնվենցիայի ներքո Հայաստանի ստանձնած պարտավորությունների կատարման համար ազգային կարողությունների զարգացում,
• պետական գերատեսչությունների, գիտական հաստատությունների, մասնավոր և հանրային սեկտորների շրջանում գիտելիքների ընդլայնում և ընդհանուր իրազեկում,
• կլիմայի փոփոխության հետևանքների գնահատման և կլիմայի փոփոխության հետևանքների մեղմման համապատասխան ռազմավարություններ մշակելու համար ազգային կարողությունների ամրապնդում:

Առաջին ազգային զեկույցի օրոք հիմնադրված կլիմայի փոփոխության տեղեկատվական կենտրոնը մշտապես հանդիսանում է տեղեկատվության հավաքագրման, արխիվացման, ամփոփման և փոխանցման միավոր: Տվյալ էջը պարունակում է տեղեկատվություն տեղեկատվական կենտրոնի աջակցությամբ կազմակերպված և իրականացված մի շարք այնպիսի միջոցառումների վերաբերյալ, որոնք ուղղված են կարողությունների ստեղծմանը և հանրային իրազեկմանը: Այն պարունակում է նաև տեղեկատվություն կլիմայի փոփոխությանն առնչվող միջազգային միջոցառումների մասին, որոնց մասնակցել են պաշտոնյաներ և փորձագետներ Հայաստանից:

Էջը նախատեսված է ինչպես փորձագետների, այնպես էլ կլիմայի փոփոխության հարցերով հետաքրքրվող անձանց համար: