Մաքուր զարգացման մեխանիզմի Լիազորված գործառնական մարմիններ

Մաքուր զարգացման մեխանիզմի (ՄԶՄ) լիազորված գործառնական մարմին (ԼԳՄ) է համարվում իրավաբանական անձ հանդիսացող որևիցէ ազգային կառույց կամ միջազգային կազմակերպություն, որը հաստատվում կամ նշանակվում է, նախնական կարգով, գործադիր խորհրդի կողմից` մինչև կողմերի կոնֆերանսի/կողմերի հանդիպման (COP/MOP) վերջնական հաստատումը:

ԼԳՄ-ը իրականացնում է երկու հիմնական գործառույթներ.

• հաստատում և այնուհետև առաջարկում է գրանցել ՄԶՄ նախագիծը, որը համարվում է հաստատված 8 շաբաթ անց, եթե չի ներկայացվում այն վերանայելու առաջարկ.
• հավաստիացնում է գրանցված ՄԶՄ նախագծի ներքո արտանետումների նվազեցումը, սերտիֆիկացնում է այն և առաջարկում է խորհրդին տրամադրել արտանետումների սերտիֆիկացված կրճատումների հավաստագիր: Հավաստագրի տրամադրումը համարվում է վերջնական այն առաջարկելուց 15 օր անց, եթե չի ներկայացվում այն վերանայելու առաջարկ:

Տվյալ էջում ներկայացված է տեղեկատվություն այն գործառնական մարմինների վերաբերյալ, որոնք նշանակվել են ՄԶՄ գործադիր խորհրդի կողմից ՄԶՄ գործող միջոցներին և ընթացակարգերին համապատասխան:

Japan Quality Assurance Organization (JQA)

Japan Quality Assurance Organization (JQA) կազմակերպությունը` շահույթի նպատակ չհետապնդող կազմակերպություն է, որը մասնագիտացված է ISO կառավարման համակարգերի գրանցման, ինչպես նաև ազգային և միջազգային մի շարք ստանդարտներին համապատասխան անվտանգության փորձարկման և սերտիֆիկացման ծառայությունների մատուցման ոլորտում: Կազմակերպությունը սկսել է իր գործունեությունը 1957 թվականին, սկզբնական շրջանում գործելով որպես լիազորված տեսչական մարմին` Ճապոնիայի արտահանման վերահսկման օրենքի ներքո:

JACO CDM., LTD (JACO)

JACO CDM ընկերությունն ակտիվորեն մասնակցում է գլոբալ տաքացման հիմնախնդրի լուծման գործընթացներին, նպաստելով հասարակության կայուն զարգացմանը: Մասնավորապես, ընկերությունը մասնագիտացված է ՄԶՄ նախագծերի վավերացման և ջերմոցային գազերի մարդածին արտանետումների վերահսկվող կրճատման հավաստիացման ոլորտում:

Det Norske Veritas Certification AS (DNV Certification AS)

Det Norske Veritas (DNV) ընկերությունն անկախ հիմնադրամ է, որի նպատակն է իրականացնել կյանքի, ունեցվածքի և շրջակա միջավայրի պաշտպանություն: Ընկերության պատմությունը սկիզբ է առնում 1864 թվականից, երբ Նորվեգիայում ստեղծվեց հիմնադրամ` նորվեգիական առևտրային նավերի տեխնիկական վիճակը զննելու և գնահատելու համար:

TUV SUD Industrie Service GmbH (TUV-SUD)

TUV SUD ընկերությունը` ծառայություններ մատուցող խոշոր միջազգային կազմակերպություն է, որը գործում է արդյունաբերության, փոխադրումների և գործարար ոլորտներում: Ունենալով 11,000 ծառայող, TUV SUD-ը գործում է ավելի քան 600 աշխարհագրական վայրերում: Ընկերության մասնագետները ներգրավված են տեխնոլոգիաների, համակարգերի և "նոու-հաու"-ների օպտիմիզացման բնագավառներում, հանդիսանալով գործընթացային գործընկերներ և ամրապնդելով աշխարհի տարբեր երկրներում իրենց հաճախորդների մրցակցային ներուժը:

Deloitte Tohmatsu Evaluation and Certification Organization (Deloitte-TECO)

Ընկերությունը մատուցում է հետևյալ ծառայությունները. (i) սերտիֆիկացում ըստ հետևյալ համակարգերի համար սահմանված միրջազգային ստանդարտների. բնապահպանական կառավարման համակարգեր, որակի կառավարման համակարգեր, տեղեկատվական անվտանգության կառավարման համակարգեր, սննդի անվտանգության կառավարման համակարգեր. (ii) շրջակա միջավայրի պատշաճ վերահսկում. (iii) ՄԶՄ վավերացում և հավաստիացում` ջերմոցային գազերի նվազեցմանն ուղղված գործունեություն իրականացնելիս. (iv) բնապահպանական վարկանշում:

Japan Consulting Institute (JCI)

Հիմնվելով 1955 թվականին, հաստատությունը խորհրդատվական ծառայություններ է մատուցում զարգացող երկրներում` արդյունաբերական տնտեսություն հաստատելու համար: Այն նաև իրականացնում է գործարանների կառուցման ու շահագործման վերահսկում և մոնիտորինգ` Ճապոնիայի կառավարության քաղաքականությանը և միջազգային ստանդարտներին համապատասխան: Հաստատության ՄԶՄ կենտրոնը հիմնվել է 2002թ. սեպտեմբերին որպես ընկերության մասնագիտացված գործառնական միավոր, որը պատասխանատու է ՄԶՄ/համատեղ իրականացման նածագծերի վավերացման, հավաստիացման և սերտիֆիկացման գործունեություն իրականացնելու համար:

Bureau Veritas Certification Holding S.A. (BVC Holding S.A.)

Bureau Veritas ընկերությունների միավորումը օգնում է հաճախորդներին համապատասխանել որակի, առողջության և անվտանգության ապահովման, շրջակա միջավայրի և սոցիալական պաշտպանվածության չափանիշներին և հրահանգներին: Միավորումը իր տարածաշրջանային և տեղական գրասենյակների ցանցի միջոցով կարգավորում է հաճախորդների հետ հարաբերությունները և տրամադրում է ծառայությունների լայն շրջանակ, ներառյալ ստուգման, փորձարկման (տեստավորման), հաշվեստուգման, սերտիֆիկացման և դասակարգման ծառայությունները, ինչպես նաև համապատասխան տեխնիկական աջակցությունը, ուսուցումը և մասնագետների և տեխնոլոգիաների փոխանցումը:

SGS United Kingdom Ltd. (SGS)

1878 թվականին հիմնված ընկերությունը մասնագիտացված է ստուգման, հավաստիացման, փորձարկման (տեստավորման) և սերտիֆիկացման ծառայությունների ոլորտում: Ունենալով ավելի քան 48,000 ծառայող, SGS-ը գործում է աշխարհի տարբեր երկրներում գտնվող թվով մոտավորապես 1,000 գրասենյակների և լաբորատորիաների ցանցի միջոցով: Ընկերության կողմից մատուցվող հիմնական ծառայություններն են. (i) տեսչական ստուգման ծառայություններ. (ii) տեստավորման (փորձարկման) ծառայություններ. (iii) սերտիֆիկացման ծառայություններ:

The Korea Energy Management Corporation (KEMCO)

KEMCO-ն մատուցում է լայն շրջանակի ծառայություններ, ներառյալ էներգետիկ հաշվեստուգումները, էներգաարդյունավետության և կլիմայի փոփոխության մեղմացման աշխատանքներ և այլն:

TUV Rheinland Japan Ltd. (TUV Rheinland)

TUV Rheinland Japan ընկերությունը անկախ տեստավորման և գնահատման ծառայությունների ոլորտում առաջնորդ հանդիսացող` TUV Rheinland Group-ի անդամ է: Ընկերությունը ծառայություններ է մատուցում հետևյալ գործարար բնագավառներում. (i) արդյունաբերական ծառայություններ. (ii) փոխադրամիջոցներ. (iii) ապրանքներ. (iv) համակարգեր:

ERM Certification and Verification Services Ltd.

"ԵՐՄ սերտիֆիկացման և հավաստիացման ծառայություններ" ընկերությունը "ԵՐՄ Գրուպ" կազմակերպության ներքո բնապահպանական, առողջապահական և անվտանգության (ԲԱԱ) սերտիֆիկացման և հավաստիացման բնագավառում ծառայություններ մատուցող ընկերություն է, որը իրականացնում է գնահատումներ ըստ մի շարք ստանդարտների, ներառյալ ISO14001:2004, OHSAS18001:1999, RCMS և EMAS. Ընկերությունը նաև ջերմոցային գազերի կրճատման լիազորված հավաստիացնող է: Բացի դրանից, ընկերությունը իրականացնում է կազմակերպությունների ԲԱԱ և կայունության հաշվետվությունների հավաստիացնումը և մատուցում է մի շարք ոչ հավատարմագրային ծառայություններ, ներառյալ երրորդ կողմի գնահատումը ըստ պատվիրատույի ԲԱԱ սեփական ստանդարտների:

Spanish Association for Standardisation and Certification (AENOR)

AENOR-ը զբաղվում է արդյունաբերության և ծառայությունների մատուցման ոլորտներում չափագրման մշակմամբ: Այն ուղղված է ընկերությունների որակի և մրցունակության բարելավմանը, ինչպես նաև շրջակա միջավայրի պահպանությանը:

TUV NORD CERT GmbH (RWTUV)

TUV NORD Group-ը տեխնիկական ծառայություններ մատուցող գերմանական խոշոր ընկերություն է, որն ունի 7300-ից ավելի աշխատակիցներ: Այն տրամադրում է խորհրդատվություն, առաջարկում է տեստավորման և այլ ծառայություններ հետևյալ բնագավառներում. համակարգեր, փոխադրամիջոցներ, սերտիֆիկացում, էներգետիկ և համակարգերի ճարտարաշինություն, ակադեմիա և միջազգային բաժանմունքներ:

Lloyd's Register Quality Assurance Ltd (LRQA)

LRQA-ը հիմնվել է 1985 թվականին` ի պատասխան Միացյալ Թագավորության կառավարության ընդունած առաջին ստանդարտ BS 5750-ի: Կազմակերպությունն առաջարկում է մի շարք արդյունաբերական ոլորտներում անվտանգության, ինչպես նաև առողջապահական և բնապահպանական կառավարման համակարգերի գնահատում: Այն տրամադրում է նաև հավաստիացման և վավերացման ծառայություններ, ուսուցման հնարավորություններ և ապահովում է ԵԽ մի շարք դիրեկտիվների մասով հաստատման գործընթաց:

Colombian Institute for Technical Standards and Certification (ICONTEC)

ICONTEC-ը մասնավոր ոչ շահութային կազմակերպություն է: 1984 թվականից ի վեր այն սահմանվել է կոլումբիական կառավարության կողմից որպես չափագրման ազգային մարմին և երկրի ներկայացուցիչը ստանդարտների ոլորտում գործող տարբեր միջազգային և տարածաշրջանային կազմակերպություններում: ICONTEC-ի հիմնական գործունեությունն է երկրի մասնավոր և պետական սեկտորներին առնչվող տնտեսական և սոցիալական գործունեության տեխնիկական ստանդարտների ուսումնասիրությունը, ընդունումը և տարածումը: ICONTEC-ը գործունեություն է իրականացնում նաև որակի ստուգման ոլորտում:

Korean Foundation for Quality (KFQ)

KFQ-ը շահույթի նպատակ չհետապնդող կազմակերպություն է, որը ստեղծվել է 1993թ. հոկտեմբերին իբրև Կորեայի կառավարման համակարգերի սերտիֆիկացման մարմին:

Swiss Association for Quality and Management Systems

SIRIM QAS INTERNATIONAL SDN.BHD