Կողմերի կոնֆերանս, որը ծառայում է որպես Կիոտոյի արձանագրության Կողմերի խորհրդակցություն (ԿԿ/ԿԽ)

Կիոտոյի արձանագրության 13-րդ հոդվածի համաձայն Կողմերի կոնֆերանս/ Կողմերի խորհրդակցությունը  պետք է գումարվի Կողմերի կոնֆերանսի հետ: Կողմերի կոնֆերանս/ Կողմերի խորհրդակցության առաջին նստաշրջանը տեղի է ունեցել Մոնրեալում Կողմերի տասնմեկերորդ  կոնֆերանսի հետ միաժամանակ 2005թ.:

Կոնվենցիայի Կողմերը, որոնք  Արձանագրության Կողմեր չեն,  Կողմերի կոնֆերանս/ Կողմերի խորհրդակցությանը կարող են մասնակցել որպես դիտորդ, առանց որոշում ընդունելու իրավունքի (Կիոտոյի արձանագրության 13.2 հոդված):

Կողմերի կոնֆերանս/ Կողմերի խորհրդակցության գործառույթները Կիոտոյի արձանագրության համար նույնն են, ինչ Կողմերի կոնֆերանսի գործառույթները Կոնվենցիայի համար: 

Կողմերի կոնֆերանս/ Կողմերի խորհրդակցության առաջին նստաշրջանի  հիմնական արդյունքը 1/CMP.1 "Կիոտոյի արձանագրության 3.9 հոդվածի ներքո Կոնվենցիայի  Հավելված I Կողմերի համար հետագա  ժամանակաշրջանների պարտավորությունների քննարկումը" որոշումն էր,  որտեղ Կողմերը որոշեցին սկսել 2012թ. հետո ընկած ժամանակաշրջանում Կոնվենցիայի  Հավելված I Կողմերի համար հետագա  պարտավորությունների քննարկման գործընթացը:

Այն ստեղծեց Կիոտոյի արձանագրության Կողմերի  ազատ աշխատանքային հատուկ խումբ գործընթացի վարման համար և պարտավորեցրեց նրան այդ մասին զեկուցել Կողմերի կոնֆերանս/Կողմերի խորհրդակցության յուրաքանչյուր նստաշրջանի ժամանակ: