ՄԱԿ-ի “Անապատացման դեմ պայքարի” կոնվենցիա

Անապատացումը դեռևս մի քանի տասնամյակ առաջ ճանաչվել է միջազգային համայնքի կողմից իբրև բոլոր տարածաշրջանների երկրների համար խոշոր տնտեսական, սոցիալական և բնապահպանական խնդիր: Դեռևս 1977թ.-ին ՄԱԿ-ի անապատացման դեմ պայքարի համաժողովն ընդունել է գործողությունների ծրագիր: Չնայած այս և մի շարք այլ միջոցառումների, ՄԱԿ-ի բնապահպանական ծրագիրը եզրակացրել է 1991թ.-ին, որ հողերի դեգրադացումը չոր, կիսաչոր և չոր ենթախոնավ տարածաշրջաններում սաստկացել է, թեև առկա են "տեղային հաջողության օրինակներ":

Արդյունքում անապատացման դեմ պայքարի հարցը դեռևս խոշոր խնդիր է ՄԱԿ-ի շրջակա միջավայրի և զարգացման համաժողովի համար, որը կայացավ Ռիո-դե-Ժանեյրոում 1992թ.-ին: Համաժողովի կողմից հաստատվեց նոր, ինտեգրված մոտեցում խնդրին, ինչպես նաև ընդգծվեց համայնքային մակարդակով կայուն զարգացմանը նպաստող գործողությունների անհրաժեշտությունը: Համաժողովի կողմից նաև կոչ արվեց ՄԱԿ-ի գլխավոր վեհաժողովին հաստատել միջկառավարական բանակցող կոմիտե` մինչև 1994թ. հունիսը անապատացման դեմ պայքարի մասին կոնվենցիան նախապատրաստելու համար: 1992թ. դեկտեմբերին գլխավոր վեհաժողովի կողմից համաձայնեցվեց և հաստատվեց թիվ 47/188 բանաձևը:

Ունենալով ծանրաբեռնված ժամանակացույց, կոմիտեն այնուամենայնիվ ավարտեց բանակցությունները հինգ նստաշրջանների ընթացքում: Կոնվենցիան ընդունվեց Փարիզում 1994թ. հունիսի 17-ին: Հայաստանը ստորագրել է կոնվենցիան 1994թ. հոկտեմբերի 14-ին և վավերացրել է այն 1997թ. հուլիսի 2-ին:

Անապատացման դեմ պայքար կոբվենցիայի մասին ավելի մանրամասն տեղեկատվություն ստանալու համար այցելեք հետևյալ կայքը. www.unccd.int