Ադապտացիոն ֆոնդ

Հիմնվել է Կողմերի 7-րդ կոնֆերանսի 10/CP.7 որոշման համաձայն (Մարրաքեշի պայմանավորվածությունների համաձայն,  Կիոտոյի արձանագրության ներքո):  Կողմերի կոնֆերանսը, որը գործում է որպես` Կիոտոյի արձանագրության Կողմերի խորհրդակցություն  (ԿԿ/ԿԽ) իր 28/CMP.1 որոշման համաձայն հաստատեց Կողմերի 7-րդ կոնֆերանսի որոշումը  և ընդունեց Ադապտացիոն ֆոնդի առաջին ուղեցույցները:  Ֆոնդը որպես Կոնվենցիայի և Արձանագրության ֆինանսական մեխանիզմի համար գործող իրավական կողմ, կկառավարվի Գլոբալ էկոլոգիական ֆոնդի կողմից: Վերջինիս  հարմարվողականության և հզորությունների զարգացման համար ֆինանսավորման լրացուցիչ մանդատ տրամադրել է Կողմերի 8-րդ կոնֆերանսը:

Ադապտացիոն ֆոնդը կֆինանսավորվի Մաքուր զարգացման մեխանիզմի ծրագրերից հարկվող  ադապտացիոն մուծումներից, որոնք հայտնի են  որպես "մասնաբաժին եկամուտներից":

Մաքուր զարգացման մեխանիզմի ծրագրերի օգնությամբ ստացված արտանետումների սերտիֆիկացված կրճատումներից (ԱՍԿ) 2%-ի չափով պետք է գանձվի հարկ և  փոխանցվի Ադապտացիոն ֆոնդին, որպեսզի օգնեն, հատկապես խոցելի զարգացող երկրներին` հարմավելու կլիմայի փոփոխության անբարենպաստ ազդեցությանը: Նվազագույն չափով  զարգացած երկրներում իրականացված ծրագրերը ազատված են այս հարկի վճարումից:

Հավելված I Կողմերը ֆոնդին  կարող են կատարել մուծումներ` անդամավճարների ձևով: