ԿՓ սոցիալ-տնտեսական ազդեցությունը ՀՀ-ում (10/04/2009)

Աշխատանքային հանդիպումը կազմակերպվել էր ՄԱԶԾ "Կլիմայի փոփոխության ազդեցության գնահատում" ծրագրի շրջանակներում 2009թ. ապրիլի 10-ին: Աշխատաժողովի նպատակն էր շահագրգիռ կողմերին ներկայացնել ծրագրի շրջանակներում մշակված “Կլիմայի փոփոխության սոցիալտնտեսական ազդեցությունը Հայաստանում” զեկույցը` շահագրգիռ կողմերի նկատառումներն ու առաջարկությունները զեկույցի վերջնական տարբերակում ներառելու համար:

Մասնակիցները հիմնականում ողջունեցին զեկույցը որպես Հայաստանում ԿՓ սոցիալտնտեսական ազդեցությունների ամփոփ գնահատման առաջին փորձ: Սակայն և շեշտեցին ճշգրտումների և լրամշակումների անհրաժեշտությունը` զեկույցի արդյունքները և առաջարկությունները որոշում ընդունողներին ներկայացնելուց առաջ: Մասնակիցները համաձայնվեցին, որ զեկույցը հարկավոր է լրամշակել, հատուկ ուշադրություն դարձնելով.
1. մեթոդաբանության հստակեցմանը և այլընտրանքային տվյալների բացահայտմանը,
2. միջոցառումների բաշխմանն ըստ երկու ժամանակահատվածների. առաջիկա 30 տարիների և ավելի հեռահար,
3. միջոցառումների դասակարգմանն ըստ ռազմավարական առաջնայնությունների. անկորուստ (no-regret), ցածր կորուստով (low-regret), փոխադարձ օգտավետ (win-win) և այլն,
4. փորձագետները 10 օրվա ընթացքում ներկայացնում են զեկույցի վերաբերյալ գրավոր կարծիքներ` իրենց մասերով: