ԿՓ ռիսկերի ներգրավումը Սյունիքի մարզի անտառային էկոհամակարգերի կառավարման ծրագրերում (07/05/10)

2010թ. մայիսի 7-ին տեղի ունեցած աշխատանքային հանդիպման քննարկման թեման էր քննարկել կլիմայի փոփոխության ռիսկերի ներգրավման խնդիրը Սյունիքի մարզի անտառային էկոհամակարգերի կառավարման ծրագրերում: Հանդիպումը կայացավ "ԿՓ հետևանքների նկատմամբ Հայաստանի լեռնանտառային էկոհամակարգերի հարմարվողականության բարձրացման" ՄԱԶԾ/ԳԵՖ ծրագրի շրջանակներում։

Քննարկմանը մասնակցեցին պետական շահագրգիռ կողմերի և գործընկեր կամակերպությունների, ինչպես նաև միջազգային ու հասարակական կազմակերպությունների, ինչպես նաև գործարար սեկտորի ներկայացուցիչներ (տես մասնակիցների ցանկը ներքևում): 

Կենտրոնական Եվրոպայի անտառների  հարմարվողականության փորձը  մասնակիցների ուշադրությանն ու քննարկամնը ներկայացրեց ծրագրի միջազգային տեխնիկական խորհրդատու  պարոն Գերալդ Կապպը: Եվրոպայում կիրառվող ներկայացված անտառների տարատեսակների տարածվածության քարտեզագրման, ինչպես նաև անտառների հարմարվողականության քարտեզագրման ներակայացված մոդելները հատկապես հետաքրքրական էին մասնակիցների համար Հայաստանում դրանց կիրառելիության տեսանկյունից:    

Ծրագրի փորձագետները և ենթակապալառուները ներակայցրեցին ծրագրի առաջընթացը,  քննրակեցին անտառների կառավարման, կլիմայի փոփոխության ազդեցության ներքո անտառնեևրի հարամարվողականության բարձրացման ու Սյունիքի անտառների խոցելիության գնահատման, կլիմայի փոփոխության ներքո  վնասատուների և վարակի օջախների ուսումանսիրության, ինչպես նաև Սյունիք մարզում անտառային հրդեհների կառավարման խնդիրների ուղղությամբ արվող ներկա և հետագա քայլերը:

Քննարկումների ժամանակ շահագրգիռ կողմերը մասնակցային եղանակով վերլուծեցին այն ռիսկերը, որոնք անհրաժեշտ է ներգրավել անտառային էկոհամակարգերի կառավարման ծրագրերում։ Վերլուծությունը կատարվեց չորս հիմնական խմբերով, որոնք էին՝ անտառային գործընթացները, կենսաբազմազանության փոփոխությունը, սոցիալտնտեսական զարգացումը և անտառների մասով խաթարումը:

Ամփոփելով աշխատանքային հանդիպումը մասնակիցները ևս մեկ անգամ կարևորեցին տեղի ունեցած քննարկման նշանակությունը, դրա հետևանքները: Նրանք նաև հանդես եկան առաջարկություններով ու  դիտողություններով, որոնք հաշվի կառնվեն ծրագրի իրականացման գործընթացում: