Հայաստանի կլիմայի փոփոխության մասին երկրորդ ազգային հաղորդագրության արդյունքների ներկայացում ՀՀ մարզերում (05/2011)

Հայաստանի կլիմայի փոփոխության մասին երկրորդ ազգային հաղորդագրությունը (ԵԱՀ) ներկայացվել է Գեղարքունիքի, Կոտայքի, Տավուշի և Վայոց ձորի մարզերում: Հաղորդագրության ներկայացումը տեղի է ունեցել համապատասխան մարզի մարզպետարանի շենքում 2011թ. մայիսին: Միջոցառումը նպատակ էր հետապնդում ներկայացնել ԵԱՀ արդյունքները Գեղարքունիքի, Կոտայքի, Տավուշի և Վայոց ձորի մարզերի համայնքների և վարչական շրջանների ներկայացուցիչներին, ինչպես նաև քննարկել կլիմայի փոփոխության հարմարվողականության և խոցելիության մարզին բնորոշ խնդիրները:

 Միջոցառմանը մասնակցում էին մարզպետարանների, քաղաքապետարանների, գյուղատնտեսության աջակցության մարզային կենտրոնների, բնապահպանական տեսչության, արտակարգ իրավիճակների և հիդրոօդերևութաբանական ծառայությունների մարզային կենտրոնների ներկայացուցիչներ,  ինչպես նաև անտառտնտեսությունների ազգային պարկերի, բուսաբանական այգիների, Օրհուս կենտրոնների, հասարակական կազմակերպությունների և կրթական հաստատությունների ներկայացուցիչներ և ֆերմերներ: Միջոցառումները լուսաբանվել են տեղական հեռուստատեսությամբ և տպագիր մամուլով:

Միջոցառմանը  զեկուցումները տեղի ունեցան  ըստ համապատասխան օրակարգի, իսկ դրանց հաջորդեցին հարցեր և քննարկումներ: Միջոցառման կազմակերպմանն աջակցեցին մարզերում տեղակայված Օրհուս կենտրոնները: Հետագայում այդ կենտրոնները կշարունակեն կարևոր դեր ունենալ համայնքների և վարչական մարմինների միջև երկխոսության ապահովման գործում` կլիմայի փոփոխության մասով հարմարվողականության կարիքների բացահայտման և դրանք ՄԱԿ-ի Զարգացման ծրագրին փոխանցելու և Կլիմայի փոփոխության երրորդ ազգային հաղորդագրության մեջ ներառելու նպատակով:   

Միջոցառման մասին կարող եք կարդալ նաև այստեղ: