Աշխատանքային հանդիպում “Անտառային վնասատուների դեմ պայքար և անտառների մոնիտորինգ” 

“Անտառային վնասատուների դեմ պայքար և անտառների մոնիտորինգ” թեմայով աշխատանքային հանդիպումը տեղի է ունեցել 2010թ. նոյեմբերի 18-ին Հայաստանի ամերիկյան համալսարանում: Աշխատանքային հանդիպումն ուղղված էր “Անտառների սանիտարական վիճակի կառավարումը բարելավելու նպատակով Սյունիքի մարզի անտառներում հիմնական վնասակար միջատների և կլիմայի փոփոխությամբ ու կլիմայի փոփոխականությամբ պայմանավորված վնասատուների զանգվածային բազմացման օջախների ուսումնասիրություն և կանխարգելման ամենակիրառելի միջոցների բացահայտում” առաջադրանքի արդյունքների ներկայացմանը, որն իրականացվել է ՀԱՀ Հակոբյան բնապահպանական կենտրոնի կողմից “Կլիմայի փոփոխության հետևանքների նկատմամբ Հայաստանի լեռնանտառային էկոհամակարգերի հարմարվողականության բարձրացում” ՄԱԶԾ/ԳԷՖ Ծրագրի շրջանակներում: Հանդիպման մասնակիցներին ներկայացվեցին “Կլիմայի փոփոխության ներքո անտառային վնասատուների բռնկումները”, “Անտառային վնասատուների դեմ պայքարի մոնիտորինգի լավագույն առկա փորձի ընտրություն”, “Թռչունների տեսակները անտառի առողջության մոնիտորինգի տեսակետից և թիթեռների տեսակները կլիմայի փոփոխության ազդեցության հետևանքների տեսակետից” և “Անտառային վնասատուների դեմ պայքարի կիրառելի լավագույն և բնապահպանական տեսակետից անվնաս մեթոդները” ուսումնասիրությունների արդյունքները:  Հանդիպման մասնակիցները քննարկեցին ներկայացված նյութը և ներկայացրեցին նաև իրենց առաջարկությունները և դիտողությունները: Մասնակիցներին մասնավորապես հատաքրքրեց անտառների առողջության և կլիմայի փոփոխության բիո ինդիկատորների մասով արված արդյունքները, ինչպես նաև անտառային վնասատուների դեմ պայքարի մեթոդները: ՀԱՀ Հակոբյան բնապահպանական կենտրոնը կվերջնականացնի հաշվետվությունը` հաշվի առնելով մասնակիցների կողմից արված առաջարկություններն ու դիտողությունները: