Աշխատանքային հանդիպում “Հայաստանում անտառային հրդեհների ռիսկերը կլիմայի փոփոխության ներքո և դրանց մեղմանն ուղղված միջոցառումներ” (15/11/10)

2010թ. նոյեմբերի 15-ին  “Կլիմայի փոփոխության հետևանքների նկատմամբ Հայաստանի լեռնանտառային էկոհամակարգերի հարմարվողականության բարձրացում” ՄԱԶԾ/ԳԷՖ ծրագրի շրջանակներում կազմակերպվել է աշխատանքային հանդիպում  “Հայաստանում անտառային հրդեհների ռիսկերը կլիմայի փոփոխության ներքո և դրանց մեղմմանն  ուղղված միջոցառումներ” թեմայով: Աշխտանքային հանդիպումն ուղղված էր Հայաստանում անտառային հրդեհնարի կառավարման խնդիրներին, համապատասխան լավագույն և կիրառելի միջազգային փորձի ներկայացմանը, ինչպես նաև կլիմայի փոփոխության և կլիմայի փոփոխականության հետ կապված Սյունիքում անտառային հրդեհների աճած ռիսկերի մեղմանն ուղղված Ծրագրով նախատեսված գործողությունների հետագա մշակմանն ու իրականացմանը: Քննարկմանը մասնակցում էին շահագրգիռ կողմեր կառավարությունից, գործընկեր և միջազգային կազմակերպությունների ներկայացուցիչներ:  Անտառային հրդեհների կառավարման հարցերով Ծրագրի միջազգային փորձագետ պարոն Ն.Նիկոլովը ներկայացրեց անտառային հրդեհների կառավարման փորձը Կենտրոնական Եվրոպայում և Միջերկրածովյան տարածաշրջանում: Անտառային հրդեհների կառավարման ներկայացված մոդելները հետաքրքրեցին մասնակիցներին  հատկապես Հայաստանում  իրենց կիրառելիության տեսակետից: Աշխատանքային հանդիպմանը ներկայացվեց նաև Հայաստանի փորձը համապատասխան ոլորտում: Ամփոփելով քննարկումը` մասնակիրցները ևս մեկ անգամ ընդգծեցին աշխատաքնային հանդիպման կարևորությունը և հանդես եկան առաջարկություններով և դիտողություններով, որոնք պետք է հաշվի առնվեն Ծրագրի իրականացման ընթացքում: