Երրորդ ազգային հաղորդագրություն - Նախագծային փաստաթուղթ

Ծրագրի նպատակն է հասցեագրել կլիմայի փոփոխության մասին ՄԱԿ-ի շրջանակային կոնվենցիայի (ՄԱԿ ԿՓՇԿ) խնդիրները՝ որպես Կոնվենցիայի կողմ երկիր, համաձայն ՄԱԿ ԿՓՇԿ 4-րդ և 12-րդ հոդվածներով և Կողմերի կոնֆերանսի (ԿԿ)  համապատասխան որոշումներով Հայաստանի սնաձնած պարտավորություն­ների: Սույն ծրագիրը երկրում իրականացված կլիմայի փոփոխության (ԿՓ) մասին ազգային հաղորդագրությունների  պատրաստ­ման համար նպաստավոր պայմանների ստեղծման նախկին գործողությունների շարունակությունն  է: Այն հնարավորություն է ընձեռում Հայաստանին առկա տեղեկատվությունը ներկայացնել կայուն, թափանցիկ և համեմատական ձևով։

Ծրագրի հիմնական բաղադրիչներն են՝

1. Հայաստանի երրորդ ազգային հաղորդագրության մշակում, որը ներառում է.  i) «Ազգային պայմանների նկարագրություն», ii) «Ջերմոցային գազերի կադաստր», iii) «ԿՓ նկատմամբ խոցելիության գնահատում և հարմարվողականության միջոցառումներ»,  iv) «ԿՓ մեղմմանն ուղղված քաղաքականություն և միջոցառումներ», v) «Հզորությունների ստեղծում` բնապահպանական տեսանկյունից անվտանգ տեխնոլոգիաների և “նոու-հաու”-ների մշակման, փոխանցման, գնահատման, ինչպես նաև դրանց ներդրման և ինքնուրույն ծրագրերի իրականացման համար», vi) «Հանրային իրազեկություն, կրթություն, ուսուցում, հետազոտություն և պարբերական դիտարկումներ» բաժինները, և Հաղորդագրության ներկայացումը ԿԿ-ին,

2) ԿՓ խնդիրների ներառումը զարգացմանն ուղղված ազգային քաղաքականությունների և ռազամավարությունների մեջ,

3) ԿՓ հետևանքների նկատմամբ հարմարվողականության և ԿՓ մեղմանն ուղղված ծրագրային գաղափարների բացա­հայտում և առաջարկների ձևակերպում;

4) Ազգային կարողությունների հզորացում ՄԱԿ ԿՓՇԿ-ով երկրի ստանձնած պարտավորությունների կատարմանն ուղղված տարբեր մեխանիզմենրին մասնակցելու համար,

 5) ԿՓ առնչվող խնդիրների մասով Հայաստանում ընդհանուր տեղեկացվածության և գիտամակարդակի բարձրացում: