ԾՐԱԳՐԻ ՂԵԿԱՎԱՐ ԿՈՄԻՏԵ (ԾՂԿ)

Ծրագրի ղեկավար կոմիտեն   (ԾՂԿ) պատասխանատու է միջգերատեսչական համակարգման, Ծրագրի վերահսկման և իրականացվող գործողությունների վերաբերյալ խորհրդատվության ապահովման համար, ինչպես նաև ունի որոշումներ կայացնելու իրավունք։

ՄԱԿ ԿՓՇԿ-ի նպատակներին հասնելու համար ԾՂԿ-ն իրականացնող գործակալության (ՄԱԶԾ) հետ համատեղ  պատասխանատու կլինի ծրագրի ընթացքի և շարունակական մոնիտորինգի համար։ ԾՂԿ-ն պետք է` 

• Օգնի և ցուցաբերի քաղաքական աջակցություն  Ծրագրի ղեկավարությանը, ազգային փորձագետներին և համագործակիցներին ծրագրի շրջանակներում բոլոր քաղաքական գործընթացների իրականացման ընթացքում:
• Վերահսկի ծրագրի առաջընթացը և տրամադրի ընդհանուր խորհրդատվություն ծրագրի իրականացման քաղաքականության վերաբերյալ,  ապահովելով ծրագրի համապատաս­խանությունը երկրում ընթացող այլ գործընթացների հետ:
• Խթանի համապատասխան տվյալների հավաքագրումը և ապահովի շահագրգիռ կողմերի միջև շարունակական հիմքերով տեղեկատվության փոխանակումը:
• Նպաստի ծրագրի և համապատասխան սեկտորների միջև համագործակցության իրականացմանը և որոշումների կայացման գործընթացների արդյունավետությանը:
• Ստանա տեղեկատվություն Ծրագրի ազգային համակարգողից ծրագրի գործողությունների իրականացման վիճակի, տեխնիկական խոչընդոտների վերաբերյալ, որոնք կարող են խանգարել ծրագրի ժամանակին իրականացմանը և ներկայացնի համապատասխան առաջարկություններ:
• Վերանայի ծրագրի կողմից մշակված փաստաթղթերի նախագծերը և ներկայացնի անհրաժեշտ մեկնաբանություններ/խորհրդատվություն: