Կլիմայի փոփոխության և անտառներին առնչվող հիմնախնդիրների վերաբերյալ սեմինարներ ՀՊՄՀ ուսանողների համար 20/4/2011

2011 թ. ապրիլի 20–ին կազմակերպված սեմինարի ընթացքում Խ. Աբովյանի անվան Հայաստանի պետական մանկավարժական համալսարանի կենսաբանության, քիմիայի և աշխարհագրության ֆակուլտետի ուսանողներին ներկայացվեց անտառների կայուն կառավարման և կլիմայի փոփոխման ազդեցության նկատմամբ անտառների հարմարվողականության, ինչպես նաև Հայաստանում անտառային հրդեհների աճող սպառնալիքի հիմնախնդիրները: Սեմինարը կազմակերպվել էր  “Կլիմայի փոփոխության հետևանքների նկատմամբ Հայաստանի լեռնանտառային էկոհամակարգերի հարմարվողականության բարձրացում” ՄԱԶԾ/ԳԷՖ ծրագրի շրջանակներում:

Մոտ 60 ակտիվ ուսանողներով լեցուն լսարանը լսում էր ՄԱԿ-ի կամավոր, անտառների հարմարվողական կառավարման հարցերով մասնագետ Սիպի Յաակոլային և Ծրագրի առաջադրանքի ղեկավար Արամ Տեր-Զաքարյանին:  Սեմինարի թեմաները տեղի տվեցին հարցերի և քննարկումների ուսանողների և ֆակուլտետի անդամների` ցույց տալով սեմինարի ժամանակին լինելը և ներկայացվող հիմնախնդիրների կարևորությունը:

Ողջույնի խոսքով հանդես եկավ Կենսաբանության, քիմիայի և աշխարհագրության ֆակուլտետի դեկան տիկին Սվետլանա Հովակիմյանը: Սա արդեն երկրորդ անգամ էր, որ Հայաստանի Կլիմայի փոփոխության տեղեկատվական կենտրոնի տարբեր ծրագրերի կողմից Հայաստանի պետական մանկավարժական համալսարանում կազմակերպվում է սեմինար կլիմայի փոփոխության հիմնախնդիրների վերաբերյալ: Եվ’ ֆակուլտետի, և’ Ծրագրի աշխատակիցները հանգեցին, որ ապագայում նմանատիպ սեմինարներ պետք է կրկին կազմակերպվեն: Ավելին, ՄԱԿ/ԳԵՖ ծրագիրը կաջակցի կլիմայի փոփոխության հետևանքների նկատմամբ էկոհամակարգերի խոցելիության թեմային առնչվող չորս գիտական թեզերի պատրաստմանը ՀՊՄՀ-ի Կենսաբանության, քիմիայի և աշխարհագրության ֆակուլտետում: