Շիրակի մարզի տնտեսության վրա ԿՓ ազդեցությունը (04/10/2008)

ՄԱԶԾ հայաստանյան գրասենյակի նախաձեռնած` Շիրակի մարզում Կլիմայի փոփոխության ազդեցության գնահատումը կատարել է “Գեոֆոն” ՀԿ, որն իր արդյունքները ներկայացրել է 2008թ. հոկտեմբերի 4-ին Գյումրի քաղաքի “Ասպարեզ” ակումբում կայացած “ՀՀ Շիրակի մարզի տնտեսության վրա կլիմայի փոփոխության ազդեցության գնահատումը” սեմիանրին:

Սեմինարին ներակայացված զեկույցի նպատակն է ուսումնասիրել և վերլուծել Շիրակի մարզի տնտեսության վրա կլիմայի փոփոխության ազդեցությունը, գնահատել կլիմայի փոփոխության վերաբերյալ բնակչության կարծիքը, իրազեկել բնակչությանը և առաջարկել ադապտացիոն միջոցառումներ` կլիմայի փոփոխության հետևանքով տնտեսության վրա բացասական ազդեցությունների մեղման համար:

Աշխատանքի շրջանակներում կատարվել է վերլուծություն Շիրակի մարզի Ամասիայի, Աշոցքի, Արթիկի, Ախուրյանի և Անիի տարածաշրջանների, յուրաքանչյուր տարածաշրջանում՝ 20 բնակչի և 5 փորձագետների հարցման արդյունքներով` ջրային ռեսուրսների, տնտեսության տաբեր ոլորտների վրա 2001-2007թթ. կլիմայական տատանումների և էքստրեմումների ազդեցության վերաբերյալ։

Ըստ ուսումնասիրության արդյունքների` Շիրակի մարզում ադապտացիոն միջոցառումների հնարավոր ուղղություններից են.

• Ամբողջ Շիրակի մարզի տարածքով կլիմայական երևույթների կանխատեսման և վաղ զգուշացման և ահազանգման համակարգի ստեղծում,

• Ներկայումս գոյություն ունեցող ավելի քան 10 հակակարկտային համակարգերի ընդլայնում և կարկուտի անցման գոտիների ուսումնասիրության շարունակում,

• Ֆերմերային տնտեսությունների և ընդհանրապես Շիրակի մարզի գյուղատնտեսության որակական փոփոխություն՝ հարմարված կլիմայական հնարավոր փոփոխություններին:

Վերլուծական զեկույցի սեղմագիրը տեսեք այստեղ (շուտով):