“Լեռնանտառային էկոհամակարգերի խոցելիությունը և հարմարվողականության բարձրացումը կլիմայի փոփոխության հետևանքների նկատմամբ” թեմայով սեմինար (17-18/09/2010)

2010թ. սեպտեմբերի 17-18-ը Սյունիքի մարզի Գորիս քաղաքում “Կլիմայի փոփոխության հետևանքների նկատմամբ Հայաստանի լեռնանտառային էկոհամակարգերի հարմարվողականության բարձրացում” ՄԱԶԾ/ԳԷՖ ծրագրի շրջանակներում տեղի է ունեցել “Լեռնանտառային էկոհամակարգերի խոցելիությունը և հարմարվողականության բարձրացումը կլիմայի փոփոխության հետևանքների նկատմամբ” թեմայով սեմինար, որի նպատակն էր խթանել հայկական ԶԼՄ-ների ներկայացուցիչների իրազեկումը կլիմայի փոփոխության ներքո Հայաստանում լեռնանտառային էկոհամակարգերի խնդիրների վերաբերյալ` կլիմայի փոփոխության ներքո։ Սեմինարին մասնակցեցին թվով 17 լրագրողներ հանրապետական 9 և Սյունիքի 6 ԶԼՄ-ներից, ինչպես նաև ներկայացուցիչներ ՀՀ բնապահպանության ու ՀՀ գյուղատնտեսության նախարարություններից, ՀՀ արտակարգ իրավիճակների նախարարության Հայաստանի փրկարար ծառայությունից, Սյունիքի մազրպետարանից: Սեմինարի ընթացքում մասնակիցները նաև այցելեցին ծրագրի շրջանակներում իրականացվող անտառվերականգնման պիլոտային վայր` Սյունիքի անտառտնտեսության Շուռնուխի անտառպետության տարածքում:

Սեմինարի ավատրին ԶԼՄ-ների ներկայացուցիչներին առաջարկվեց տպագրության նպատակով առաջիկայում նախապատրաստել հոդված, հարցազրույց կամ սցենար` կլիմայի փոփոխության ներքո անտառների խոցելիության ու հարմարվողականության թեմայով և Սյունիքի անտառներում առկա խնդիրների վրա մասնակի շեշտադրումով: Լավագույն տպագրված աշխատանքները կտեղադրվեն Հայաստանի կլիմայի փոփոխության տեղեկատվական կենտրոնի վեբ կայքում և հինգ լավագույն աշխատանքների հեղինակները կստանան շնորհակալագրեր, իսկ լավագույնը ճանաչված աշխատանքի հեղինակը կստանա նաև դրամական պարգև։