Կլիմայի փոփոխության ազդեցությունը ջրային ռեսուրսների վրա (25/06/10)

"Գլոբալ ջրային համագործակցությունը" ՄԱԶԾ/ԳԷՖ "Կլիմայի փոփոխության մասին ՄԱԿ-ի շրջանակային կոնվենցիայի ներքո Հայաստանի երկրորդ ազգային զեկույցի պատրաստման համար նպաստավոր պայմանների ստեղծում" ծրագրի աջակցությամբ կազմակերպել էր "Կլիմայի փոփոխության ազդեցությունը ջրային ռեսուրսների վրա" խորագրով կլոր սեղան, որը տեղի ունեցավ 2010թ. հունիսի 25-ին: Կլոր սեղանին մասնակցում էին պետական շահագրգիռ կազմակերպությունների և գործակալությունների, ՀԿ-ների և միջազգային կազամակերպությունների ներկայացուցիչներ: Միջոցառման նպատակն էր քննարկել ազգային շահագրգիռ կողմերի հետ կլիմայի փոփոխության նկատմամբ ջրային ռեսուրսների խոցելիության խնդիրները, ջրային պաշարների կրճատման հետևանքով առաջացող սոցիալ-տնտեսական ազդեցությունները, ինչպես նաև կլիմայի փոփոխությանը հարմարվելու միջոցառումները: