Անտառների հարմարվողականության բարձրացում - Նախագծային փաստաթուղթ

Ծրագիրը նպատակ ունի ընդլայնել ազգային կարողությունները` ակնկալվող կլիմայի փոփոխության հետևանքների նկատմամբ Հայաստանի հարավ-արևելյան անտառների հարմարվողականությունը ապահովելու համար: Ծրագիրը կօգնի ապահովել հարմարվողականության ամբողջական ներառումը անտառների կառավարման և պահպանման համակարգում, իսկ անտառային էկոհամակարգերի վրա կլիմայի փոփոխության ազդեցությունը կներառվի անտառների կառավարման քաղաքականության և միջոցառումների շարքում: Ծրագիրը կնպաստի խոցելիության նվազեցմանը և կլիմայի փոփոխության հետևանքների նկատմամբ Հայաստանի արժեքավոր լեռնանտառային էկոհամակարգերի հարմարվողականությանը: Ծրագիրը նպատակ ունի նաև նվազեցնել գլոբալ բիոբազմազանության կորստի ռիսկը և ապահովել լեռնանտառային էկոհամակարգերի պաշտպանությունը և դրանց կայուն օգտագործումը առաջիկա 25-50 տարիների համար կանխատեսված կլիմայի փոփոխության համատեքստում: Գլոբալ շահերի հետ մեկտեղ, ծրագիրը կնպաստի նաև ազգային շահերին` ընդլայնելով ծրագրավորված հարմարվողականության ազգային կարողությունները:  

Ծրագրի բաղադրիչներն են.

(i) քաղաքական աջակցություն` անտառների կառավարման ծրագրերում և ընթացակարգերում հարմարվողականության հարցերն ընդգրկելու համար, ներառյալ կլիմայի փոփոխության ազդեցության ներառումը անտառների կառավարման ազգային քաղաքականության և օրենսդրության շրջանակներում.

(ii) համակարգված հարմարվողականության համար կարողությունների զարգացում, ներառյալ հարմարվողականության միջոցառումների կայուն իրագործման համար անհրաժեշտ համակարգային և անհատական կարողությունները.

(iii) մեկնարկային փուլում հարմարվողական միջոցառումների իրագործում` դրանց հետագա կրկնողության համար, ներառյալ անտառային էկոհամակարգերի դիմադրողականության և հարմարվողականության ապահովմանն ուղղված միջոցառումների մշակում և իրագործում:

ՄԱԶԾ հարմարվողականության մեխանիզմի ուսուցում, նախագծի բնութագրին մուտք գործելու համար սեղմեք այստեղ:

Ծրագրի մասին տեղեկատվությունը հասանելի է նաև ՄԱԿ ԿՓՇԿ կայքէջում: