Շենքերի էներգետիկ արդյունավետության բարձրացում. Նախագծային փաստաթուղթ

ԳԷՖ-ի լայնամասշտաբ այս նախագծի նպատակն է հակադարձել առկա միտումները և նվազեցնել էլեկտրական և ջերմային էներգիայի սպառումը, միաժամանակ նվազեցնելով դրանց հետ կապված ջերմոցային գազերի արտանետման ծավալները Հայաստանի նորակառույց և վերակառուցվող, առաջին հերթին` բնակելի շենքերից: Դա նախատեսվում է անել աջակցելով կարողունակ կարգավորող միջավայրի, մասնագիտական հմտությունների և ունակությունների ստեղծմանը ներկայացնելու համար շենքերի ինտեգրված նախագծման սկզբունքները հայաստանյան շինարարական բնագավառում` շենքերի նախագծման փուլից մինչև կառուցում և շահագործում:

Ծրագրի կողմից աջակցությունը կարտահայտվի նոր էներգաարդյունավետ շինարարական նորմերի ու կանոնների և հավաստագրման մեխանիզմի մշակման, մասնագետների վերապատրաստման, շենքերի ինտեգրված նախագծման ցուցադրման և էներգախնայող նոր նյութերի և սարքավորումների արտադրության խթանման մեջ:

Ծրագիրը կիրականացվի ՄԱԶԾ-ի կողմից առաջնորդվող ԳԷՖ-ի "Ածխածնի ցածր արտանետումներով շենքերի կառուցման խթանում" գլոբալ ծրագրի շրջանակներում և կկենտրոնանա, առաջին հերթին գլոբալ մակարդակով խթանվող երկու թեմատիկ մոտեցումների վրա. ա) բարձր մակարդակի շինարարական նորմերի և կանոնների ըմբռնման խթանումը և դրանց կիրարկումը, բ) էներգաարդյունավետ շինարարական տեխնոլոգիաների, նյութերի և փորձի զարգացում ու խթանում: Գլոբալ ծրագրի կողմից առաջարկվող համակարգումը կաջակցի Հայաստանին համանման ծրագրեր իրականացնող երկրներից էներգաարդյունավետության դասեր քաղել:  

Ծրագիրը ներկայացված է նաև շենքերի էներգետիկ արդյունավետության բարձրացմանն ուղղված Միջին Ասիայում և Կովկասում ՄԱԶԾ ծրագրերի համատեղ վեբ-կայքում, որը ստեղծվել է ՄԱԶԾ Բրատիսլավայի տարածաշրջանային կենտրոնի աջակցությամբ: