Հաստատման պարտադիր փուլը

Պարտադիր փուլը ներառում է Նախագծային փաստաթղթի մշակումը և ներկայացումը ԼԱՄ-ին` ուսումնասիրության և հաստատման նպատակով:

Մաքուր զարգացման մեխանիզմի շրջանակներում իրականացվող նախագծի հաստատման նպատակով ՄԶՄ նախագծի մասնակիցները մշակում և պաշտոնապես ԼԱՄ-ին են ներկայացնում նախագծային փաստաթղթերի փաթեթ, որում ներառվում են հետևյալ փաստաթղթերը (էլեկտրոնային և տպագիր տարբերակներով).

• ԼԱՄ-ին ուղղված պաշտոնական գրություն, որը ստորագրվում է ՄԶՄ նախագծի բոլոր մասնակիցների կողմից.

• ՄԶՄ միջազգային ընթացակարգերին և ՄԶՄ Գործադիր խորհրդի պահանջներին համապատասխան մշակված Նախագծային փաստաթուղթ՝ անգլերեն և հայերեն լեզուներով.

• ՄԶՄ նախագծի բոլոր մասնակիցների կողմից ստորագրված փաստաթուղթ (հայտարարագիր), որով ներկայացվում և հաստատվում է Լիազորված ազգային մարմնի հետ բանակցող մասնակիցը (անձը).

• ՄԶՄ նախագծի հասարակական լսումների արձանագրությունը, եթե ՄԶՄ Նախագծի մասնակիցների կողմից՝ ԼԱՄ-ի հետ համաձայնեցմամբ կազմակերպվել են ՄԶՄ նախագծի հասարակական լսումներ, ինչպես նաև նախագծի վերաբերյալ շահագրգիռ կողմերից ստացված համապատասխան աջակցող գրությունները.

• Օժանդակ այլ փաստաթղթեր, oրինակ ջրoգտագործման թույլտվություն, շինարարության և շահագործման լիցենիզաներ, էլեկտրական էներգիայի գնման պայմանագիր, տեխնիկատնտեսական հիմնավորում, հողի սեփականության կամ վարձակալության վկայականներ, վավերացման հաշվետվություններ և այլն.

• Փոխանցման նամակ, որով նախագծի մասնակիցները հաստատում են նախագծային գործունեության արդյունքում ստացվող Արտանետումների սերտիֆիկացված կրճատումների բաշխման սկզբունքը, եթե Նախագծային փաստաթղթի ներկայացման պահին նախագծի մասնակիցներն արդեն կայացրել են նման որոշում:

ՄԶՄ նախագծային փաստաթղթի վավերացումը Լիազորված գործառնական մարմնի (ԼԱՄ) կողմից ՄԶՄ նախագծի պարտադիր հաստատման նախապայման չէ: Վավերացումը կարող է կատարվել ԼԱՄ-ի կողմից նախագծի հաստատումից հետո կամ իրականացվել հաստատման գործընթացի հետ միաժամանակ: Սակայն այն դեպքում, երբ նախագիծը վավերացվում է, նախագծի մասնակիցները ԼԱՄ-ին պետք է ներկայացնեն վավերացման համապատասխան հաշվետվության պատճենը:

Նախագծային փաստաթղթերը ստանալուց հետո ԼԱՄ-ի քարտուղարությունն ուսումնասիրում է ներկայացված փաստաթղթերը և ԼԱՄ-ին ներկայացնում համապատասխան ամփոփիչ հաշվետվություն:

Նախագծային փաստաթղթի գնահատման ընթացքում ԼԱՄ-ը նախագծային փաստաթղթերի փաթեթը ներկայացնում է ՀՀ էկոնոմիկայի և ՀՀ աշխատանքի և սոցիալական ապահովության նախարարությյանը: Հիշատակված նախարարությունները ստուգում են Նախագծային փաստաթղթի համապատասխանությունը երկրի կայուն սոցիալական ու տնտեսական զարգացման նպատակներին և ԼԱՄ-ին ներկայացնում իրենց գրավոր կարծիքը նախագծային գաղափարի հավանության վերաբերյալ:

• ՀՀ էներգետիկայի և բնական ռեսուրսների նախարարություն
• ՀՀ քաղաքաշինության նախարարություն
• ՀՀ գյուղատնտեսության նախարարություն
• ՀՀ հանրային ծառայությունները կարգավորող հանձնաժողով
• "Բնապահպանական փորձաքննություն" ՊՈԱԿ
• Ջրային ռեսուրսների կառավարման գործակալություն
• Կենսաբազմության գործակալություն
• Բնապահպանական ՈՈԿ-ներ
• Այլ կազմակերպություններ

Ճյուղային այլ նախարարությունները ուսումնասիրում են ներկայացված նախագծի համապատասխանությունը ազգային և տարածաշրջանային զարգացման ռազմավարություններին: Անհրաժեշտության դեպքում նախարարությունները և գործակալությունները կարող են դիմել ԼԱՄ-ին նախագծի մասնագետների և ԼԱՄ-ի ներկայացուցիչների մասնակցությամբ աշխատանքային հանդիպման կազմակերպման խնդրանքով, որի նպատակն է քննարկել և պարզաբանում տալ առաջացած հարցերին:

ԼԱՄ-ը կարող է դիմել Փորձագիտական խմբին Նախագծային փաստաթղթի տեխնիկական և բնապահպանական գործոնների ուսումնասիրության և գնահատման խնդրանքով: Նախագծային փաստաթղթի գնահատման պահից ԼԱՄ-ը Նախագծային փաստաթուղթը տեղադրում է համապատասխան ինտերնետային կայքում հասարակության կողմից մեկնաբանությունների ստացման նպատակով:

Նախագծի վերաբերյալ ստացված բոլոր մեկնաբանությունները պետք է հավաքվեն և վերլուծվեն Քարտուղարության կողմից, իսկ համապատասխան ամփոփիչ հաշվետվությունը պետք է ներկայացվի ԼԱՄ-ին: Հաշվետվությունը ներառում է Փորձագիտական խմբի կողմից կատարված եզրակացությունները և առաջարկությունները:

ԼԱՄ-ը կգնահատի ներկայացված Նախագծային փաստաթղթի համապատասխանությունը երկրի կայուն զարգացման նպատակներին և փաստաթղթի հաստաման վերաբերյալ վերջնական որոշում կկայացնի հիմք ընդունելով հետևյալ գործոնները.

• Նախագծային փաստաթղթում ներառված տեղեկատվությունը

• Քարտուղարության կողմից պատրաստված գնահատման հաշվետվությունը

• Նախագծի վերաբերյալ ստացված մեկնաբանությունները

Ստորև ներկայացված է ԼԱՄ-ի կողմից տրամադրվող Հաստատման նամակի ձևաչափը:

Մաքուր զարգացման մեխանիզմի Նախագծային փաստաթղթի հաստատման նամակի ձև

ՄԶՄ նախագծի մասնակիցներին` _______________

Հաստատման նամակ

Ակնկալում եմ նախագծի բարեհաջող իրականացումը համաձայն սահմանված ընթացակարգերի:

Հարգանքով,

-------------------------------------
Հայաստանի Հանրապետության բնապահպանության նախարար,
Կիոտոյի Արձանագրության Մաքուր զարգացման մեխանիզմի
Լիազորված ազգային մարմին