Էներգաարդյունավետության բարձրացման համալիր նախագիծ Քաջարանում. արդյունքների ներկայացում (11/02/11)

Սյունիքի մարզի Քաջարան քաղաքի համայնքային մանկապարտեզի շենքում էներգախնայողության և արևային ջրատաքացուցիչներով տաք ջրամատակարարման համակարգի ներդրման նախագծի արդյունքների ներկայացումը կազմակերպվել է քաղաքապետարաի կողմից 2011թ. փետրվարի 11-ին:

Ներկայացմանը ներկա էին ՄԱԿ-ի մշտական համակարգող, ՄԱԶԾ մշտական ներկայացուցիչ տիկին Դաֆինա Գերչևան, ՄԱԶԾ այլ ներկայացուցիչներ, Սյունիքի մարզպետ պարոն Սուրիկ Խաչատրյանը, Քաջարանի քաղաքապետ պարոն Վարդան Գևորգյանը, նախագծի տեղական շահառու սոցիալական օբյեկտների` համայնքային մանկապարտեզի և դպրոցի տնօրենները, հյուրեր: 

Բացման արարողությունը տեղի է ունեցել Քաջարան քաղաքի համայնքային մանկապարտեզում, ապա այցելուներին ներկայացվեց միջնակարգ դպրոցում քաղաքապետարանի օգնությամբ զինված լաբորատորիաները: Այսուհետև քաղաքապետարանում կազմակերպվել է հանդիպում ԶԼՄ ներկայացուցիչների մասնակցությամբ:

Փորձնական (պիլոտային) այս և մյուս նախագծերի վերաբերյալ տեղեկությունը տե'ս «Փորձնական ծրագրեր» բաժնում և ՄԱԶԾ հայաստանյան գրասենյակի վեբ-կայքում (անգլերեն):