Ջրաձոր փոքր ՀԷԿ-ի ՄԶՄ-ը նախագիծ

Էներգոկոր ՍՊԸ

Համաձայն նախագծի մասնակցի կողմից ներկայացված տեղեկատվության առաջարկվող ՄԶՄ նախագծի իրականացման արդյունքում ստացվող ՋԳ արտանետումների կրճատումները նախատեսվում է վաճառել ՎԶԵԲ-ի Ածխածնային կրեդիտների բազմակողմանի հիմնադրամնին, ինչի նպատակով մոտակյում կստորագրվի Արտանետումների կրճատման միավորների ձեռքբերման համապատասխան համաձայնագիր:

Նախագծային գործունեության հիմնական նպատակն է հիդրոէլեկտրակայանի միջոցով բնապահպանական տեսանկյունից մաքուր էներգիայի արտադրությունը, ինչպես նաև կլիմայի փոփոխության մեղմմանն ուղղված ջանքերի խթանումը:

Առաջարկվող նախագծային գործունեությունը ներառում է Շիրակի մարզում Ախուրյանի  ոռոգման ջրանցքի վրա  5,9 ՄՎտ հզորությամբ հիդրոէլեկտրաէներգիայի արտադրության նախագծի գործարկումն ու շահագործումը` վերականգնվող ռեսուրսներից էլեկտրաէներգիայի արտադրությունն ապահովելու և բաշխիչ ցանցին մատակարարելու համար: Ջրաձորի փոքր հիդրոէլեկտրակայանում արտադրված էլեկտրաէներգիան կվաճառվի "Հայաստանի էլեկտրական ցանցեր" ՓԲԸ-ին:

 Ջրաձորի հիդրոէլեկտրակայանը գտնվում է Շիրակի մարզում` Ախուրյանի ոռոգիչ ջրանցքի վրա: Ջրանցքն ունի 6,0 մ3/վ առավելագույն թողունակություն, ինչը հնարավորություն է տալիս ՀԷԿ-ի համար նախատեսված ջուրը Ախուրյան գետից տեղափոխել ՀԷԿ-ի գլխային հանգույց, որը գտնվում է Ջրաձորի փոքր հիդրոէլեկտրակայանի կառույցից 3,5 կմ հեռավորության վրա:

 Նախագծում կօգտագործվի ջրի ճնշումը, որն առաջանում է նախագծված ջրամբարի և ոռոգման ջրանցքի միջև: Վերջինս հոսում է Ախուրյան գետին զուգահեռ: Ջրանցքի և Ախուրյան գետի միջև տարածությունը կազմում է մոտավորապես 700 մ: Ջրաձորի ՓՀԷԿ-ը կներառի հետևյալ հիմնական կայաններն ու հանգույցները.

• ճնշումային ավազան.
• ճնշումային խողովակատար.
• առբերիչ ջրատար.
• հիդրոէլեկտրակայանի կառույց և գլխամասային հանգույց:

Ջրաձորի ՓՀԷԿ-ի գլխամասային հանգույցը պետք է ապահովված լինի երկու լրակազմ հիդրոէլեկտրասարքավորումներով` 4.0 ՄՎտ տեղակայված հզորությամբ: Նախագծային ելքը կազմում է 2,0 մ³/վայր.:

ՓՀԷԿ-ը բնութագրվում է հետևյալ ցուցանիշներով.

• տեղակայված հզորություն - 5,93 ՄՎտ.
• հիդրոէլեկտրասարքավորումների քանակը` 2 միավոր.
• նախագծային ճնշումը` 142,6 մ.
• նախագծային ելքը` 2,0 մ<sup>3</sup>/վրկ.
• էլեկտրաէներգիայի միջին տարեկան արտադրանքը` 20,0 մլն. կՎտ/ժ:

Նախագծի իրականացման դեպքում ակնկալվում են հետևյալ արդյունքները.

• հայաստանում էլեկտրաէներգիայի արտադրության աղբյուրների բազմազանացում.
• ներմուծվող էներգակիրներից, մասնավորապես, բնական գազից կախվածության նվազեցում.
• աեղական բնակչության համար, այդ թվում մասնագիտացված և ոչ մասնագիտացված կադրերի համար,  զբաղվածության ապահովում և այլն:

Նախագծային փաստաթուղթը ներկայացվեց ՄԶՄ Գործադիր խորհրդի հաստատմանը 2008թ. մայիսի 1-ին: Սակայն նախագիծը չգրանցվեց Խորհրդի 41-րդ նստածրջանի ընթացքում Խորհրդի 3 անդամների կողմից  "Ջրաձոր" փոքր ՀԷԿ-ի ՄԶՄ նախագծի վերանայման պահանջ ներկայցնելու պատճառով:

Համաձայն ՄԶՄ կանոնների այն առաջարկվող նախագծային գործունեությունը, որը չի ընդունվել Խորհրդի կողմից, կարող է վերանայվել վավերացման և հետագա գրանցման նպատակով միայն համապատասխան փոփոխություններ կատարելուց հետո, հաշվի առնելով որ այդ գործընթացը համապատասխանում է ընդունված ընթացակարգերին և վավերացման և գրանցման համար սահմանված պահանջներին: Նախագծի վերանայման պահանջը կդիտարկվի Խորհրդի հաջորդ` 42-րդ նիստին:

Համապատասխան փոփոխություններ կատարելուց հետո, նախագծային փաստաթուղթը գրանցվել էր ՄԶՄ գործադիր խորհդրի կողմից 2009թ. հուլիսի 10-ին:

Համաձայն նախագծային փաստաթղթում բերված տեղեկատվության, նախագծի մեկնարկը տեղի է ունեցել 2006թ. հունիս ամսին: