Միջազգային նորություններ

1971թ. նոյեմբերին Գյուղատնտեսության եվրոպական դաշինքի առաջարկով ՊԳԿ-ի անդամ երկրների կառավարությունները խրախուսեցին մարտի 21-ը Անտառտնտեսության համաշխարհային օր նշելու գաղափարը: Այդ օրվանից ի վեր շատ երկրներ այդ օրը նշում են որպես Անտառտնտեսության համաշխարհային օր:

Եվրոպական հանձնաժողովի պայմանագրի շրջանակներում Ատոմային էներգիայի կազմակերպության (AEA Technology plc) կողմից իրականացվել և ներկայացվել է ուսումնասիրություն Մաքուր զարգացման մեխանիզմի (ՄԶՄ) ամբողջականության վերաբերյալ:  Նախագծի նպատակն է տրամադրել ՄԶՄ առավելությունների և թերությունների համապարփակ գնահատում և մշակել բարեփոխման  գործնական տարբերակներ:

Բնապահպանության տարածաշրջանային կենտրոնը Կովկասում կազմակերպել է «Վերականգնվող էներգիայի օգտահանում. մարտահրավերները և հնարավորությունները Հարավային Կովկասում» տարածաշրջանային համաժողով Թբիլիսիում, Վրաստան, 2012թ. մարտի 1-ից 2-ը:

Կանաչ տնտեսության վերաբերյալ ուսումնասիրությունը Դեպի կանաչ տնտեսություն. կայուն զարգացման և աղքատության վերացման ուղիներ խորագրով կատարվել է ՄԱԿ-ի Բնապահպանալան ծրագրի Կանաչ տնտեսության նախաձեռնության կողմից աշխարհի տարբեր ծայերրից փորձագետների և տնտեսագետների մասնակցությամբ:

ՄԱԿ-ի Զարգացման ծրագիրը և Գլոբալ Էկոլոգիական Ֆոնդի` տարածաշրջանում իրականացվող ծրագրերը իրագործող թիմերի հանդիպումը վերաբերել է էներգետիկայի, ենթակառուցվածքների, տեխնոլոգիաների և տրանսպորտի խնդիրներին և կազմակերպվել է Թուրքմենիստանի Աշխաբադ քաղաքում 2012թ. հունվարի 30-ից փետրվարի 3-ը:

Բնության համաշխարհային հիմնադրամը (WWF) հրատարակել է ռազմավարական ուղեցույց, որը ուղղված է հարմարվողականության բարձրացման ռազմավարությունների մշակման նպաստելուն` ի պատասխան Հայաստանի, Վրաստանի և Ադրբեջանի անտառների վրա կլիմայական փոխոխությունների ազդեցությանը: Այդ հրատարակումը պատրաստվել է գերմանական KfW բանկային խմբի միջոցով Գերմանիայի շրջակա միջավայրի, բնության պահպանության և միջուկային անվտանգության դաշնային նախարարության (BMU) ֆինանսական աջակցությամբ:

Հարավ - կովկասյան երեք երկրների` Հայաստանի, Վրաստանի և Ադրբեջանի, գիտական​​, քաղաքացիական հասարակության, պետական կառավարման և գործարար ոլորտների ինչպես նաև միջազգային կազմակերպությունների ներկայացուցիչները, հրավիրվել էին  մասնակցելու Կովկասի տարածաշրջանային բնապահպանական կենտրոնի (ԿՏԲԿ) կազմակերպած «Կլիմայի փոփոխության հարմարվողականությունը - մարտահրավեր և հնարավորություններ Կովկասի համար» խորագրով VII տարեկան միջազգային համաժողովին, որը տեղի ունեցավ 2011թ. նոյեմբերի 10-11-ը Թբիլիսիում:  Կլիմայի փոփոխության միտումների, հետևանքների, ռազմավարությունների և համապատասխան միջոցառումների մասին գիտելիքների և փորձի փոխանակման միջոցով մասնակիցները բացահայտում էին տարածաշրջանի ընդհանուր խնդիրները` դրանց ավելի արդյունավետ արձագանքելու համար:

2011թ. նոյեմբերի 7-9–ը ք.Մոսկվայում տեղի ունեցավ «Կլիմայի փոփոխության հարմարվողականության խնդիրները» խորագրով միջազգային համաժողով, որը կազմակերպվել էր Ռուսաստանի հիդրոօդերևութաբանության և շրջակա միջավայրի մոնիտորինգի դաշնային ծառայության կողմից՝ Ռուսաստանի գիտությունների ակադեմիայի, Համաշխարհային օդերևութաբանական կազմակերպության, ՅՈՒՆԵՍԿՈ-ի, ՅՈՒՆԵՍԿՈ-ի Միջազգային օվկիանոսական հանձնաժողովի, ՄԱԿ-ի Զարգացման ծրագրի, ՄԱԿ-ի Բնապահպանական ծրագրի և ՄԱԿ-ի Կլիմայի փոփոխության շրջանակային կոնվենցիայի հետ համատեղ։

Կլիմայի փոփոխության հետ առնչվող ծրագրերի փորձագետները մասնակցել են «Շրջակա միջավայրը Եվրոպայի համար» Յոթերորդ Նախարարական համաժողովին, որը տեղի է ունեցել Ղազախստանի Աստանա քղաքում 2011թ. սեպտեմբերի 21-ից 23-ը:

«Հայաստան - Քաղաքային ջեռուցման և տաք ջրամատակարարման էներգաարդյունավետության բարձրացում» ՄԱԶԾ/ԳԷՖ/00035799 ծրագրի արդյունքները ներկայացվել են ՄԱԶԾ Բրատիսլավայի տարածաշրջանային կենտրոնի վեբ-կայքում` «Էներգետիկ արդյունավետության օգուտները» նյութում: