Շենքերի ԷԱ բարձրացում. Ղեկավար կոմիտե

Ծրագրի Ղեկավար կոմիտեն (ԾՂԿ) ունի ծրագրի գործողությունների միջգերա­տեսչական համակարգման, հսկման, խորհրդատվական աջակցության և որոշումների կայացման գործառույթներ:

Ծրագիրը պետք է իրականացվի ԾՂԿ-ի համակարգման ներքո, որը իրագործող գործակալության (ՄԱԿ-ի զարգացման ծրագրի) հետ միասին պատասխանատու է ծրագրի առաջընթացի և ՄԱԿ-ի Կլիմայի փոփոխության շրջանակային կոնվենցիայի նպատակներին հետամուտ լինելու շարունակական մոնիտորինգի համար:

ԾՂԿ-ն գումարվում է առնվազն տարին մեկ անգամ և ըստ անհրաժեշտության կիսամյակի ընթացքում և ունի հետևյալ իրավասությունները.

• հսկել ծրագրի առաջընթացը և խորհրդատվության տրամադրման միջոցով ապահովել ծրագրի իրականացման քաղաքականության ներդաշնակեցումը երկրում ընթացող այլ գործընթացներին,
• ապահովել շահագրգիռ գերատեսչությունների և ծրագրի միջև կապը, աջակցել ծրագրի և համապատասխան ոլորտների միջև հաղորդակցությանը և նպաստել որոշումների կայացման արդյունավետությանը, համահունչ էներգախնայողության ազգային ռազմավարությանը և ջերմոցային գազերի արտանետումների նվազեցման անմիջական նպատակին,
• աջակցել անհրաժեշտ տվյալների հավաքագրմանը և ապահովել տեղեկատվության մշտական փոխանակումը շահառու կողմերի միջև,
• բացահայտել տեխնիկական խոչընդոտները, որոնք  կարող են վտանգել ծրագրի իրա­կանացմանը ըստ ժամանակացույցի և առաջարկել համապատաս­խան միջոցառումներ,
• քննարկել և գնահատել ծրագրի կիսամսյակային և տարեկան արդյունքները և հաստատել տարեկան պլանները: