Շենքերի ԷԱ բարձրացում. Միջգերատեսչական աշխատանքային խումբ

Միջգերատեսչական աշխատանքային խումբն (ՄԳԱԽ) ստեղծվել է ՀՀ քաղաքաշինության նախարարի հրամանով (թիվ 125, 2010թ. նոյեմբերի 11-ին):

ՄԳԱԽ իր գործունեությունը ծավալում է ինչպես ժամանակակից էներգաարդյունավետ շինարարական տեխնոլոգիաների և, շինանյութերի կիրառման համար համապատասխան շինարարական նորմերի և կանոնների մշակման ու դրանց պարտադիր կիրարկման համար խթանիչ միջավայրի ձևավորման, այնպես էլ էներգաարդյունավետ շենքերի նախագծման սկզբունքները  շինարարական ոլորտում ներկայացնելու համար (շենքերի նախագծման փուլից մինչև կառուցումն ու շահագործումը) մասնագիտական հմտությունների և ունակությունների ստեղծմանն աջակցելու ուղղությամբ:

Աշխատանքային խմբի խնդիրներն են.

ա) էներգաարդյունավետ նոր նորմերի և ստանդարտների ներմուծման հնարավորությունների և խոչընդոտների հաղթահարման ուղղությամբ ներկայացված առաջարկությունների քննարկում  և խորհրդատվության տրամադրում,

բ) մշակման, վերանայման կամ տեղայնացման ենթակա շինարարական նորմերի ու ստանդարտների  ցանկի և ժամանակացույցի քննարկում,

գ) ծրագրի շրջանակներում միջազգային և ազգային փորձագետների կողմից մշակված/լրամշակված շինարարական նորմերի և/կամ ստանդարտների նախագծերի քննարկում ու առաջարկությունների ներկայացում,   

դ) շինարարական նորմերի և ստանդարտների կիրարկման և վերահսկման մեխանիզմների կատարելագործման ուղղությամբ առաջարկությունների ներկայացում,

ե) էներգաարդյունավետ  ցուցադրական բազմաբնակարան շենքի նախագծման, կառուցման գործընթացի քննարկում, ինչպես նաև աշխատանքների որակի վերահսկողության և շահագործման վերաբերյալ առաջարկությունների ներկայացում:

ՀՀ քաղաքաժինության նախարարի հրաման (2011թ. նոյեմբերի 11-ի թիվ 125)