Անտառվերականգնման պիլոտային ծրագիր Մեղրիում

Մեղրու անտառային հանդակներում հանդիպում են տարբեր պատճառներով դեգրադացիայի ենթարկված բազմաթիվ անտառային էկոհամակարգեր: Անտառների մի մասը ոչնչացել է հրդեհի, մյուսները՝ վնասատուների զանգվածային բազմացումների կամ հողի էրոզիայի պատճառով:  Համաձայն հետազոտությունների արդյունքների, Մեղրիում դեգրադացված անտառների մակերեսը կազմում է 2,270 հա: Ընդ որում,  2050 հա անտառի դեգրադացիայի պատճառը վնասատուների համաճարակներն են: Վնասատուների ախտահարման պատճառով  540 հա  մակերեսով տեղամասում ծառերի սաղարթներն արդեն չորացել են:  Մնացած 220 հա տարածքի դեգրադացիայի պատճառը հրդեհն է:  Որպես անտառվերականգնման աշխատանքների թիրախային տեղամաս ընտրվել է Մեղրիի Շվանիձորի անտառպետության տարածքը: Անտառվերականգնման աշխատանքների համար ընտրված 20 հա մակերեսով տեղամասը 1999-2001թթ. ընթացքում տուժել է տերևակեր վնասատուների զանգվածային ախտահարման պատճառով, այնուհետև,  2001թ. այրվել է բռնկված հրդեհից: Տարածքին հիմնականում բնորոշ են կաղնու ծառերը:  Այն գտնվում է անտառի հարավ-արևմտյան մասում՝ 30⁰ թեքության և ծովից 1600մ բարձրության վրա: