Անտառվերականգնման պիլոտային ծրագիր Կապանում

Կապանի անտառային հանդակներում ևս հանդիպում են տարբեր պատճառներով դեգրադացիայի ենթարկված բազմաթիվ անտառային էկոհամակարգեր (այրված կամ  վնասատուների վարակի պատճառով չորացող սաղարթախիտ անտառներ, ապօրինի ծառահատումներ և հողի էրոզիա): Փորձնական (պիլոտային) անտառվերականգման միջոցառումների համար որպես թիրախ ընտրվել է  “Դավիթ Բեկ” անտառպետության գիհու ծառուտը, որի  90 հա մակերեսով տեղամասը հրդեհի պատճառով այրվել է  2006թ.:  Փորձնական (պիլոտային)  ծրագրի շրջանակներում նախատեսվում է ծառատունկ կազմակերպել այրված մակերեսի ստորին մասի 20 հա մակերեսով տեղամասի վրա, որը գտնվում է ծովից 1600 մ բարձրության և 45⁰ -ից ավելի մեծ թեքությունների վրա: