ՄԶՄ-ը լիազորված մարմնի նշանակում

2. Սահմանել, որ Հայաստանի Հանրապետության բնապահպանության նախարարությունը`

• հաստատում է Մաքուր զարգացման մեխանիզմի շրջանակներում իրականացվող նախագծերի համապատասխանությունը Կլիմայի փոփոխության մասին շրջանակային կոնվենցիային կից Կիոտոյի արձանագրության 12-րդ հոդվածի պահանջներին,

• հավաստում է Մաքուր զարգացման մեխանիզմի շրջանակներում նախագծի իրականացման մասնակիցների կողմից իրենց մասնակցության կամավորությունը,

• ապահովում է Հայաստանում Մաքուր զարգացման մեխանիզմի շրջանակներում իրականացվող նախագծերի մասին տեղեկատվության մատչելիությունը,

• անց է կացնում քննարկումներ հավանական ներդրողների հետ և մշակում ռազմավարական ուղղություններ Մաքուր զարգացման մեխանիզմի շրջանակներում նախագծերի իրականացման համար,

• ապահովում է Կլիմայի փոփոխության մասին շրջանակային կոնվենցիային կից Կիոտոյի արձանագրության Մաքուր զարգացման մեխանիզմի միջազգային գործընթացներին Հայաստանի Հանրապետության արդյունավետ մասնակցությունը,

• Հայաստանի Հանրապետության օրենսդրությամբ սահմանված կարգով ապահովում է Մաքուր զարգացման մեխանիզմի շրջանակներում նախագծերի և նախագծային փաստաթղթերի համաձայնեցումը համապատասխան շահագրգիռ մարմինների և կազմակերպությունների հետ:

Որոշումը նաև սահմանում է, որ ՀՀ բնապահպանության նախարարությունը պետք է մշակի և հաստատի "ՄԶՄ նախագծերի ներկայացման ընթացակարգը":