ԼԱՄ-ի փորձագետների խումբ

Նախագծերի գնահատման ընթացքում ԼԱՄ-ը կարող է համապատասխան փորձագետների աջակցության կարիքն ունենալ: Փորձագիտական խմբի խնդիրն է նախագծային փաստաթղթերի ուսումնասիրությունը` տարբեր բնագավառներում ազգային ռազմավարություններին և պետական քաղաքականությանը համապատասխանության տեսանկյունից, գնահատել նախագծերի տեխնիկական ցուցանիշները, ստուգել նախագծերի համապատասխանությունը ՄԶՄ պահանջներին և մշակել և ԼԱՄ-ին (քարտուղարությանը) ներկայացնել համապատասխան գնահատման հաշվետվություններ: Խմբում կներառվեն անկախ փորձագետները և ճյուղային նախարարությունների մասնագետները:

Փորձագիտական խմբի ֆինանսավորման խնդիրը դեռևս լուծված չէ: Նախնական փուլում փորձագետները կարող են իրենց ծառայությունները տրամադրել անվճար, սակայն հետագայում Խմբի աշխատանքի արդյւնավետության երաշխավորման նպատակով անհրաժեշտ է մշակել փորձագետների կայուն ֆինանսավորման թափանցիկ մեխանիզմ: