Կասկադ Կրեդիտ փոքրամասշտաբ ՀԷԿ-երի միավորված նախագիծ

• Խնձորուտ գետ, Տավուշի մարզ, ՀՀ
• Այրի գետ, Սյունիքի մարզ, ՀՀ
• Արտաշատի ջրանցք, Այգեզարդ գյուղ, Արարատի մարզ, ՀՀ
• Աղստև գետ, Դիլիջան քաղաք,
  Տավուշի մարզ, ՀՀ
• Խարաչոբան գետ, Լեռնապատ գյուղ,
  Լոռու մարզ, ՀՀ
• Տանձուտ գետ, Վահագնի գյուղ,
  Լոռու մարզ, ՀՀ
• Չանախչի գետ, Դեբետ գյուղ,
  Լոռու մարզ, ՀՀ
• Ադջիդադգ-Գեղի ջրային խողովակատար, Կապան գյուղ, Սյունիքի մարզ, ՀՀ
• Բովաձոր և Ստեփանավան գյուղեր,
  Լոռու մարզ, ՀՀ
• Որոտան գետ, Ույց գյուղ, Սյունիքի մարզ, ՀՀ

Տեղական լիազորված մասնակից.
(i) Կասկադ Կրեդիտ. (ii) Ատլաս էներգո ՍՊԸ. (iii) Զորաքար ՓԲԸ. (iv) Բիթլիս Մեն ՍՊԸ. (v) Էլենեքս ՍՊԸ. (vi) Լեռնապատի Կանթեղ ՍՊԸ. (vii) Ապահով Տանիք ՍՊԸ. (viii) Մավր ՍՊԸ. (ix) Լեռ ՍՊԸ. (x) Հոսք ՍՊԸ. (xi) Սյունիք ՍՊԸ
Այլ մասնակիցներ. 
Վերակառուցման և զարգացման եվրոպական բանկ (Միացյալ Թագավորություն)

Նախագծի նպատակն է վերականգնվող աղբյուրներից էլեկտրաէներգիայի արտադրության նպատակով  գործարկել և շահագործման ներկայացնել տասը փոքր հիդրոէլեկտրակայաններ (վեցը` գետի բնական հունի վրա և չորսը` արհեստական ջրաթափերի վրա կառուցված), յուրաքանչյուրը 3.6 ՄՎտ չգերազանցող հզորությամբ, միավորելով դրանք մեկ միասնական ՄԶՄ նախագծի ներքո:

Տասը էլեկտրակայանների ընդհանուր հզորությունը 14,839 ՄՎտ է, իսկ էլեկտրաէներգիայի նախատեսվող միջին տարեկան արտադրությունը` 69,459 ՄՎտ/ժ:

Բոլոր տասը մինի-էլեկտրակայանները ֆինանսավորում և խորհրդատվական ծառայություններ են ստանում Կասկադ Կրեդիտ ՓԲԸ-ից, որը գտնվում  է Հայաստանում և հանդես է գալիս որպես նախագիծն առաջարկող և նպատակային ֆինանսավորում տրամադրող ընկերություն: Ընկերությունն իր հերթին վարկեր է ստացել Վերակառուցման և զարգացման եվրոպական բանկից (7 մլն. ԱՄՆ դոլար) և Համաշխարհային բանկից (5 մլն. ԱՄՆ դոլար) և իր սեփական միջոցներից տրամադրել է ևս 3 միլիոն ԱՄՆ դոլար: Տասը նախագծերը համախմբելու նպատակն է նվազեցնել գործառնական և փաստաթղթերի նախապատրաստման հետ կապված ծախսերը փոքր հիդրոէլեկտրակայաններից յուրաքանչյուրի համար:

Բոլոր տասը հիդրոէլեկտրակայանները պատկանում են միևնույն տիպին, կատեգորիային և տեխնոլոգիային (հիդրոէլեկտրաէներգիայի արտադրություն): Էլեկտրաէներգիան կմատակարարվի միասնական "Հայաստանի էլեկտրական ցանցեր"-ին:

Այս համախմբված նախագծերի մշակումը կհանգեցնի ընդհանուր առմամբ 257,937 tCO₂e ծավալի արտանետումների կրճատմանը և կփոխարինի "Հայաստանի էլեկտրական ցանցեր"-ի ընդհանուր համակարգում ածխածնային տեսանկյունից առավել ինտենսիվ էլեկտրաէներգիայի արտադրությանը:

Նախագծի իրականացման դեպքում ակնկալվում են հետևյալ արդյունքները.

• հայաստանում էլեկտրաէներգիայի արտադրության աղբյուրների բազմազանեցում.
• հիդրո- և վերականգնվող էներգիայի այլ աղբյուրների օգտագործում.
• տեղական բնակչության զբաղվածության հնարավորությունների ընդլայնում նախագծի իրականացման և շահագործման ժամանակաընթացքում:

Նախագծի վավերացման գործընթացն իրականացվում է SGS United Kingdom Ltd. ընկերության կողմից: Միևնույն ժամանակ, նախագծային փաստաթուղթը ներկայացվել է Հայաստանում ՄԶՄ ԼԱՄ-ի հաստատմանը: Փաստաթուղթը վերադարձվել է նախագծի մասնկիցներին ԼԱՄ-ի կողմից բացահայտված թերությունները ուղելու նպատակով:

Համաձայն նախագծային փաստաթղթի, նախագծի առաջին կրեդիտավորման ժամանակահատվածը կմեկնարկվի է 2008թ. հունվարի 1-ին: