ՄԶՄ-ը գործադիր խորհուրդ

Մարրաքեշի պայմանավորվածությունների 12-րդ հոդվածով սահմանված է դրույթ ՄԶՄ իրագործումը և կառավարումը վերահսկող անկախ կառավարման մարմնի` ՄԶՄ գործադիր խորհրդի (ՄԶՄ ԳԽ) ստեղծման վերաբերյալ: ՄԶՄ ԳԽ-ը կլինի ՄԶՄ նախագծերի մասնակիցների հաղորդակցման մարմին, որի միջոցով կկարգավորվեն նախագծերի գրանցման և արտանետումների սերտիֆիկացված կրճատումների (ԱՍԿ) հավաստագրերի թողարկման հետ կապված հարցերը: Կողմերը ՄԶՄ ԳԽ-ին օժտել են մի շարք լիազորություններով, որոնք կարող են զգալի ազդեցություն ունենալ ՄԶՄ զարգացման ընթացքի վրա: Դրանք են.

• ՄԶՄ ընթացակարգերի մշակում.
• Բազային գծին և մոնիտորինգին վերաբերող նոր մեթոդաբանությունների հաստատում.
• Լիազորված գործառնական մարմինների (ԼԳՄ) հավաստագրում, որոնք կգործեն իբրև ՄԶՄ նախագծերի վավերացման, ԱՍԿ-երի հավաստիացման և սերտիֆիկացման մասնակից կողմեր.
• Նախագծերի գրանցում (հատուկ ընթացակարգերին համապատասխան).
• ԱՍԿ-երի թողարկում (հատուկ ընթացակարգերին համապատասխան).
• Ֆինանսավորման և ներդրումային հնարավորությունների կարիք ունեցող` առաջարկվող ՄԶՄ գործունեության վերաբերյալ տեղեկատվության հանրամատչելիության ապահովում.
• ՄԶՄ նախագծային գործունեության հանրային տվյալների բազայի վարում, որում ներառված են տեղեկություններ գրանցված ծրագրի նախագծման փաստաթղթերի, ստացված մեկնաբանությունների, հավաստիացման հաշվետվությունների, ՄԶՄ գործադիր խորհրդի որոշումների վերաբերյալ, ինչպես նաև տեղեկատվություն արտանետումների սերտիֆիկացված կրճատումների բոլոր թողարկված հավաստագրերի վերաբերյալ, և
• ՄԶՄ ռեգիստրի մշակում և վարում:

ՄԶՄ ԳԽ-ի առաջին հանդիպումը կայացել է 2001թ. նոյեմբերի 11-ին` Կողմերի  7-րդ կոնֆերանսի ժամանակ: Մինչև 2007թ. դեկտեմբերը նրանք հանդիպել են 36 անգամ` հերթական որոշումների ձևակերպման և ՄԶՄ նախագծերի մշակման հետագա ուղղորդման թողարկման համար: ՄԶՄ ԳԽ-ի կողմից տրամադրված բոլոր հիմնական ուղղորդումներն ու որոշումները տեղադրված են http://cdm.unfccc.int/EB/index.html կայքում:

Գործադիր խորհուրդը բաղկացած է 10 անդամից, որոնք ընտրվում են հետևյալ սկզբունքով.

Հայաստանի Հանրապետությունը ՄԶՄ Գործադիր խորհրդում ներկայացնում է Դիանա Հարությունյանը, որը ընտրվել է Խորհրդի այլընտրանքային անդամ (ՄԱԿ-ի եվրոպական տարածաշրջանային խումբ), ինչպես նաև Խորհրդի անտառապատման/անտառվերականգնման աշխատանքային խմբի փոխնախագահ:

Գործադիր խորհուրդը կարող է ստեղծել կոմիտեներ կամ աշխատանքային խմբեր, որոնք կոչված են աջակցելու Խորհրդին իր գործառույթների իրականացման հետ կապված գործընթացներում:

Անհրաժեշտ է նշել, որ ՄԶՄ ԳԽ-ն հաճախակի նորացնում է ՄԶՄ Նախագծային փաստաթղթի ձևաչափերը և թողարկում է հաստատված, հաստատված կոնսոլիդացված, փոքրամասշտաբ, անտառապատման ու անտառվերականգնման (Ա/Ա) և Ա/Ա փոքրամասշտաբ բազային գծի և մոնիտորինգի մեթոդաբանությունների վերանայված տարբերակները: ՄԶՄ նախագծեր մշակողները պետք է մշտպես օգտագործեն վերջին լույս տեսած ֆորմատն ու մեթոդաբանությունները: