Արգիճի փոքր ՀԷԿ-ի ՄԶՄ-ը նախագիծ

Էներգոկոր ՍՊԸ

Համաձայն նախագծի մասնակցի կողմից ներկայացված տեղեկատվության առաջարկվող ՄԶՄ նախագծի իրականացման արդյունքում ստացվող ՋԳ արտանետումների կրճատումները նախատեսվում է վաճառել ՎԶԵԲ-ի Ածխածնային կրեդիտների բազմակողմանի հիմնադրամնին, ինչի նպատակով մոտակյում կստորագրվի Արտանետումների կրճատման միավորների ձեռքբերման համապատասխան համաձայնագիր:

Նախագծի նպատակն է հիդրոէլեկտրակայանի միջոցով բնապահպանական տեսանկյունից մաքուր էներգիայի արտադրությունը, ինչպես նաև կլիմայի փոփոխության մեղմմանն ուղղված ջանքերի խթանումը:

Առաջարկվող նախագծային գործունեությունը ներառում է Հայաստանում Արգիճի գետի վրա վերականգնվող էներգետիկ աղբյուրներից ստացվող և բաշխիչ ցանցին մատակարարելու համար նախատեսված` 8.5 ՄՎտ հզորությամբ հիդրոէլեկտրաէներգիայի արտադրության նախագծի գործարկումն ու շահագործումը: Արգիճի փոքր հիդրոէլեկտրակայանում արտադրվող էլեկտրաէներգիան կվաճառվի "Հայաստանի էլեկտրական ցանցեր" ՓԲԸ-ին:

 Արգիճի հիդրոէլեկտրակայանը գտնվում է Գեղարքունիքի մարզի Արգիճի գետի վրա, որը Սևանա լիճ թափվող ամենամեծ գետն է:   

Նախագծային գործունեության գլխավոր նպատակն է հիդրոէլեկտրակայանի միջոցով բնապահպանական տեսանկյունից մաքուր էներգիայի արտադրությունը, ինչպես նաև կլիմայի փոփոխության մեղմմանն ուղղված ջանքերի խթանումը:

Արգիճի փոքր հիդրոէլեկտրակայանում կօգտագործվի Արգիճի գետի ջրային պոտենցիալը: Այդ հատվածի երկարությունը 9 կմ է,   իսկ էջքը` 287 մ:

Արգիճի փոքր հիդրոէլեկտրակայանում կտեղադրվեն Պելտոն տիպի 4 հորիզոնական տուրբիններ` 8.5 ՄՎտ անվանական դրվածքային հզորությամբ: Էլեկտրաէներգիան կմատակարարվի բաշխիչ ցանց Լիճք ենթակայանի միջոցով, որը գտնվում է գլխամասային կառույցից 7 կմ հեռավորության վրա:

Արգիճի հիդրոէլեկտրակայանի հիդրոէներգետիկ ցուցանիշներն են`

• հաշվարկային ճնշումը` 223,0 մ.
• հաշվարկային ելքը` 4,8 մ³/վրկ.
• դրվածքային հզորությունը` 8,56 ՄՎտ.
• էլեկտրաէներգիայի միջին տարեկան արտադրանքը` 30,5 մլն. կՎտ/ժ:

Նախագծի իրականացման դեպքում ակնկալվում են հետևյալ արդյունքները.

• հայաստանում էլեկտրաէներգիայի արտադրության աղբյուրների բազմազանեցում.
• ներմուծվող էներգակիրներից, մասնավորապես բնական գազից կախվածության նվազեցում.
• տեղական բնակչության համար, այդ թվում մասնագիտացված և ոչ մասնագիտացված կադրերի համար, զբաղվածության ապահովում և այլն:

Նախագիծը վավերացվել է KPMG Sustainability B.V. ընկերության կողմից և գրանցվել է ՄԶՄ գործադիր խորհրդի կողմից 2008թ. փետրվարի 24-ին: Նախագծի սեփականատերը ստորագրել է վարկային պայմանագիր ՎԶԵԲ-ի հետ: Ներկայումս սեփականատերը ակնկալում է ստանալ ներդրումային միջոցների վեռջին մասը` շինարարական աշխատանքները մեկնարկելու նպատակով:

Շինարարական աշխատանքները նախատեսվում է մեկնարկել 2009թ: